RBI Repo Rate Hike : रिझर्व्ह बँक ऑफ इंडियाने (RBI) रेपो रेट वाढवल्याने गृहकर्ज महाग होणार असून त्याचा परिणाम नवीन आणि जुन्या ग्राहकांवर होणार आहे. व्याजदरात वाढ झाल्यामुळे फ्लोटिंग व्याजदरावर गृहकर्ज घेणाऱ्या ग्राहकांचा EMI वाढेल. सर्व बँका आणि NBFC व्याजदर वाढीसाठी रेपो रेटचा वापर बेंचमार्क म्हणून करतात. जेव्हा जेव्हा रेपो दर वाढतो तेव्हा कर्जावरील व्याजदर वाढतो आरबीआयच्या या घोषणेमुळे गृहकर्ज घेणाऱ्यांना सणासुदीच्या काळात मोठा झटका बसू शकतो. त्याचबरोबर सध्याच्या गृहकर्ज ग्राहकांनाही याचा फटका बसणार आहे. रिझर्व्ह बँकेने रेपो दरात ०.५० टक्के वाढ करण्याचा निर्णय घेतला असून आता रेपो दर ५.४० वरून ५.९० टक्के झाला आहे.
गृहकर्जाचा EMI वर असा परिणाम होईल..
समजा एखाद्या व्यक्तीने ५० लाख रुपयांचे गृहकर्ज घेतले आहे आणि कर्जाच्या परतफेडीचा कालावधी २० वर्षे आहे. सध्या गृहकर्जाचा व्याजदर ८.०५ टक्के आहे, मात्र रेपो दरात वाढ झाल्यानंतर आता ८.५५ टक्के होणार आहे. यामुळे कर्जाचा कालावधी २ वर्षे आणि तीन महिन्यांनी वाढेल. यामुळे ग्राहकाला व्याज म्हणून अतिरिक्त ११ लाख भरावे लागणार आहेत. तथापि, तुमचा EMI तसाच राहिल्यास हे होईल.
हेही वाचा – महाराष्ट्र सरकारनं शेतकऱ्यांचं ऐकलं..! मिळणार ७५५ कोटींची मदत; ‘असा’ आहे निकष!
RBI Governor Shaktikanta Das announces that RBI "increases the policy repo rate by 50 basis points to 5.9% with immediate effect." pic.twitter.com/YpDjOVsgus
— ANI (@ANI) September 30, 2022
दुसरीकडे, तुमच्याकडे दुसरा पर्याय आहे की तुम्ही EMI वाढवून कर्जाचा कालावधी अपरिवर्तित ठेवू शकता. समजा तुम्ही ५० लाख रुपयांचे कर्ज २० वर्षांसाठी घेतले आहे. यापूर्वी कर्जावरील व्याजदर ८.०५ होता. तेव्हा त्याचा ईएमआय ४२,६९९ रुपये होता. रेपो दरात वाढ झाल्यामुळे आता हा दर ८.५५ टक्के होणार आहे. यामुळे, गृहकर्जाची ईएमआय ४४,१३६ रुपये होईल. अशा प्रकारे, दरमहा येणारा EMI १४३७ रुपयांनी वाढेल.
रेपो दर वाढवण्याचा अर्थ असा होतो की बँकांना महागड्या दराने रिझर्व्ह बँकेकडून कर्जे मिळतील. त्याच वेळी, बँका ही वाढ ग्राहकांना हस्तांतरित करतात, ज्यामुळे लोकांना कर्ज घेणे महाग होते. इतकेच नाही तर नवीन कर्जे महाग आहेत, परंतु त्याच वेळी, जी गृहकर्ज किंवा कार कर्जे आधीच चालू आहेत त्यांचा EMI देखील वाढतो.