रिझर्व्ह बँक ऑफ इंडिया म्हणजेच RBI ने MPC बैठकीचे निकाल जाहीर केले आहेत आणि यावेळी देखील रेपो रेटमध्ये कोणताही बदल झालेला नाही आणि ते 6.5 टक्क्यांवर स्थिर आहेत. गव्हर्नर शक्तीकांत दास यांनी केलेल्या घोषणेवर सर्वसामान्यांप्रमाणेच भारतीय शेअर बाजाराच्याही नजरा खिळल्या होत्या. पण, रेपो रेटमध्ये कोणताही बदल होण्याची शक्यता त्यांनी नाकारताच, बाजार झपाट्याने घसरला. सेन्सेक्स आणि निफ्टीची सुरुवात हिरव्या चिन्हावर झाली होती.
सुरुवातीला सेन्सेक्समध्ये मोठी घसरण
आठवड्याच्या चौथ्या व्यवहाराच्या दिवशी गुरुवारी शेअर बाजाराचे दोन्ही निर्देशांक हिरव्या चिन्हावर उघडले. एकीकडे, BSE सेन्सेक्स 209.53 अंक किंवा 0.29 टक्क्यांच्या वाढीसह 72,361.53 वर उघडला आणि एमपीसी निकालापूर्वी 300 हून अधिक अंकांनी वाढला होता. गव्हर्नर यांनी बैठकीत घेतलेल्या निर्णयांच्या घोषणेनंतर, त्यात घसरण झाली.
निफ्टीमध्येही जोरदार घसरण
सेन्सेक्स प्रमाणेच, NSE निफ्टी देखील RBI च्या घोषणेनंतर अचानक हिरव्यावरून लाल रंगात गेला. शेअर बाजाराची सुरुवात होताच निफ्टी 60.30 अंकांच्या किंवा 0.27 टक्क्यांच्या वाढीसह 21,990.80 वर उघडला. पण आरबीआयच्या घोषणेनंतर त्यात घसरण झाली.
शेअर बाजारात मोठी घसरण झाली असली, तरी या दरम्यान पीएसयू शेअर्समध्ये जोरदार वाढ झाली आहे. रॉकेटच्या वेगाने धावत स्टेट बँक ऑफ इंडिया (SBI) च्या शेअर्सने सर्वकालीन उच्चांक गाठला. तो 700.80 रुपयांवर व्यवहार करत होता. सुरुवातीच्या व्यापारात, 5 टक्क्यांहून अधिक उसळीसह तो 718.90 रुपयांच्या उच्च पातळीवर गेला होता. शेअर्सच्या या वाढीमुळे देशातील सर्वात मोठ्या सरकारी बँकेचे मार्केट कॅपही 6.25 लाख कोटी रुपयांवर पोहोचले आहे.
केवळ एसबीआयच नाही तर इतर पीएसयू शेअर्समध्येही वाढ होत आहे. यापैकी देशातील सर्वात मोठी विमा कंपनी LIC (LIC Share) चे शेअर्स सर्वाधिक वेगाने वाढत आहेत. त्याची किंमत 8.19 टक्क्यांच्या उसळीसह 1130 रुपयांच्या पातळीवर पोहोचली होती. यासह पॉवर ग्रिड शेअर 5 टक्क्यांनी वाढून 280 रुपयांवर पोहोचला, तर हिंदुस्तान एरोनॉटिक्स लिमिटेडचा (एचएएल शेअर) शेअर 2.75 टक्क्यांनी वाढून 3,030.85 रुपयांवर पोहोचला. भारत पेट्रोलियम कॉर्पोरेशन लिमिटेडच्या शेअर्समध्येही वाढ झाली आणि तो 2.41 टक्क्यांच्या वाढीसह 616.55 रुपयांवर व्यवहार करत होता.
या शेअर्समुळे गुंतवणूकदारांचे नुकसान
इंडियन ओव्हरसीज बँकेचे शेअर्स, जे 6.65 टक्क्यांनी घसरून 74.35 रुपयांवर आले होते, त्यात गुरुवारी सुरुवातीच्या वाढीनंतर शेअर बाजारात घसरण झाली आणि गुंतवणूकदारांचे नुकसान झाले. तर मुथूट फायनान्स शेअर 3.55 टक्क्यांच्या घसरणीसह 1374 रुपयांवर व्यवहार करत होता. याशिवाय ब्रिटानिया इंडस्ट्रीजचा शेअर 3.31 टक्क्यांनी घसरून 4,912 रुपयांवर आला, तर ITC लिमिटेडचा शेअर 1.90 टक्क्यांनी घसरला आणि 423.60 रुपयांवर व्यवहार करत होता.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!