Pune Bengaluru Highway Accident : पुणे-बंगळुरू महामार्गावर रविवारी रात्री भीषण अपघात झाला. हा अपघात एवढा भीषण होता की एकापाठोपाठ सुमारे ४८ वाहने एकमेकांवर आदळली. या घटनेत किमान ३० जण जखमी झाल्याचे वृत्त आहे. मिळालेल्या माहितीनुसार, नवले पुलावर हा अपघात झाला. घटनास्थळी बचावकार्य सुरू आहे.
पुणे अग्निशमन दलाने सांगितले की, “पुणे-बंगळुरू महामार्गावरील नवले पुलावर एक मोठा अपघात झाला, ज्यामध्ये सुमारे ४८ वाहनांचे नुकसान झाले.” पुणे अग्निशमन दल आणि पुणे महानगर प्रदेश विकास प्राधिकरणाचे (पीएमआरडीए) बचाव पथक घटनास्थळी पोहोचले आहे. ,
मिळालेल्या माहितीनुसार, रात्री ८.३०च्या सुमारास नवले पूल परिसरात ही घटना घडली. पुणे अग्निशमन दलाच्या अधिकाऱ्यांनी दिलेल्या माहितीनुसार, या अपघातात अनेक जण जखमी झाल्याची भीती आहे. काही जखमींना जवळच्या रुग्णालयात दाखल करण्यात आले आहे.
My god.. horrific visuals from Pune. A tanker just hit 45 vehicles, several injured pic.twitter.com/BVM1c015Uh
— Arjun* (@mxtaverse) November 20, 2022
A major accident occurred at Navale bridge on the Pune-Bengaluru highway in Pune in which about 48 vehicles got damaged. Rescue teams from the Pune Fire Brigade and Pune Metropolitan Region Development Authority (PMRDA) have reached the spot: Pune Fire Brigade pic.twitter.com/h5Y5XtxVhW
— ANI (@ANI) November 20, 2022
हेही वाचा – मुख्यमंत्री, उपमुख्यमंत्री यांच्या हस्ते हुतात्मा शिवराम हरी राजगुरु स्मारकाचे लोकार्पण
अपघाताचे कारण अद्याप समजू शकलेले नाही. प्राथमिक तपासानंतर एका कंटेनरमुळे हा अपघात झाल्याचे पोलिसांनी सांगितले. पोलिसांनी दिलेल्या माहितीनुसार, कंटेनरचे ब्रेक फेल झाल्याने हा अपघात झाला. धुक्यामुळे भरधाव वेगाने येणारी वाहने एकमेकांवर आदळली.
या अपघातातील जखमींना योग्य ते उपचार मिळण्याची व्यवस्था करण्याच्या सूचना देखील स्थानिक प्रशासनाला दिल्या असून या अपघातामुळे सदर भागात झालेल्या वाहतूक कोंडी दूर करून वाहनधारकांना त्रास होणार नाही याची दक्षता घेण्याचे निर्देश देखील वाहतूक पोलिसांना दिले आहेत.
— Eknath Shinde – एकनाथ शिंदे (@mieknathshinde) November 20, 2022
उन्नावमध्येही अशीच घटना घडली आहे
आठवडाभरापूर्वी लखनऊ-आग्रा एक्स्प्रेस वेवरही असा अपघात झाला होता. उन्नावजवळ एक लोडर उलटल्याने मागून येणारी १० वाहने एकमेकांवर आदळली. या अपघातात लोक थोडक्यात बचावले. पोलिसांनी दिलेल्या माहितीनुसार, धुक्यामुळे मागून येणारी १० वाहने एकमेकांवर आदळली. पहाटे साडेचारच्या सुमारास हा अपघात झाला. अपघातानंतर लोडर चालकाने घटनास्थळावरून पळ काढला.