Indian Raillways : ‘तेजस’ एक्स्प्रेसमध्ये ‘मोठा’ बदल..! आता प्रवास होणार खूप सुखाचा; वाचा!

Indian Raillways : मुंबई ते गोव्यातील मडगाव दरम्यान धावणाऱ्या तेजस एक्स्प्रेसमध्ये उद्यापासून म्हणजेच 14 एप्रिलपासून मोठा बदल होणार आहे. उद्यापासून या ट्रेनला आणखी एक विस्टाडोम कोच जोडण्यात येणार आहे. दोन विस्टाडोम कोच असलेली ही देशातील पहिली ट्रेन असेल. विस्टाडोम कोचमध्ये काचेच्या खिडक्या आणि पारदर्शक छत आहे. विस्टाडोम कोचमुळे मुंबई आणि गोवा दरम्यानचा प्रवास अधिक सुखकर होईल. त्यात बसलेल्या प्रवाशांना सर्व बाजूंनी धबधबे, नद्या, दऱ्या, बोगदे, हिरवीगार शेतं आणि इतर नैसर्गिक दृश्ये पाहता येणार आहेत. गेल्या वर्षी सप्टेंबरमध्ये मुंबई-मडगाव तेजस एक्स्प्रेसमध्ये पहिला विस्टाडोम कोच बसवण्यात आला होता.

विस्टाडोम कोच जोडल्यानंतर, ट्रेनमध्ये आता दोन विस्टाडोम कोच, 11 एसी चेअर कार, एक एसी एक्झिक्युटिव्ह चेअर कार आणि दोन लगेज आणि जनरेटर ब्रेक व्हॅन आहेत. मुंबई-मडगाव तेजस एक्स्प्रेस आठवड्यातून पाच दिवस धावते. सोमवार आणि गुरुवारी ती बंद असते. मुंबई ते मडगाव हे अंतर 765 किलोमीटर आहे. ते पूर्ण करण्यासाठी 8 तास 50 मिनिटे लागतात. हा मार्ग नैसर्गिक सौंदर्याने परिपूर्ण आहे. त्यामुळेच तेजस एक्स्प्रेसच्या विस्टाडोममध्ये प्रवास करणाऱ्या प्रवाशांची संख्या लक्षणीय आहे. हे पाहता आता आणखी एक विस्टोडोम कोच बसवण्यात आला आहे.

हेही वाचा – IPL 2023 : धोनी आयपीएलमधून बाहेर? CSK कोच फ्लेमिंगचा धक्कादायक खुलासा; म्हणाला…

Mumbai-Goa #TejasExpress to get second vistadome coach from April 14https://t.co/7S16ZAewDV pic.twitter.com/xRlRCF6sYh

— Business Insider India🇮🇳 (@BiIndia) April 12, 2023

वेळापत्रक

22119 मुंबई-मडगाव तेजस एक्सप्रेस मुंबईतील छत्रपती शिवाजी महाराज टर्मिनस येथून सकाळी 5:50 वाजता सुटते आणि दुपारी 2:40 वाजता मडगावला पोहोचते. वाटेत ही गाडी दादर, ठाणे, पनवेल, चिपळूण, रत्नागिरी, कुंडल, करमाळी येथे थांबते. 22120 मडगाव-मुंबई तेजस एक्स्प्रेस मडगावहून दुपारी 3.15 वाजता सुटते आणि सकाळी 11.55 वाजता छत्रपती शिवाजी महाराज टर्मिनसला पोहोचते.

विस्टाडोम कोचची वैशिष्ट्ये

विस्टाडोम कोचमध्ये अनेक वैशिष्ट्ये आहेत. यात 180 अंशांपर्यंत फिरू शकणारी सीट आहे. त्याच्या खिडक्या आणि छत काचेचे आहे जेणेकरून आत बसलेल्या प्रवाशांना बाहेरचे दृश्य सहज पाहता येईल. सुरक्षेसाठी सीसीटीव्ही बसवण्यात आले असून वायफायही उपलब्ध आहे. सर्व आसनाखाली मोबाईल चार्जिंग पॉइंट देण्यात आला आहे. विस्टाडोम कोचमध्ये स्वयंचलित सरकते दरवाजे आणि जीपीएस यंत्रणा बसवण्यात आली आहे. हे मिनी पॅन्ट्री, मायक्रोवेव्ह ओव्हन, फ्रीज, कॉफी मेकर आणि वॉटर कुलर यांसारख्या सुविधांनी सुसज्ज आहे.

‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!