Former Mumbai Mayor Vishwanath Mahadeshwar Death : मुंबईचे माजी महापौर आणि उद्धव बाळासाहेब ठाकरे गटाचे ज्येष्ठ नेते विश्वनाथ महाडेश्वर यांचे मंगळवारी रात्री 2 वाजताच्या सुमारास हृदयविकाराच्या झटक्याने निधन झाले. ते 63 वर्षांचे होते. महाडेश्वर काही दिवसांपासून आजारी होते आणि नुकतेच कणकवलीतून मुंबईला परतले होते. त्यांच्या निधनाच्या वृत्ताने राजकीय क्षेत्रातील अनेकांना धक्का बसला आहे.
महाडेश्वर यांची राजकारणात प्रदीर्घ आणि गौरवशाली कारकीर्द आहे. 2017 ते 2019 या काळात त्यांनी मुंबईचे महापौर म्हणून काम केले आणि स्थायी समितीचे अध्यक्षही होते. त्यांना शिक्षणाची आवड होती आणि ते शिक्षण समितीचे अध्यक्ष होते. 2019 च्या महाराष्ट्र विधानसभेच्या निवडणुकीत महाडेश्वर यांनी वांद्रे पूर्व मतदारसंघातून निवडणूक लढवली होती परंतु त्यांना पराभव पत्करावा लागला होता.
शिवसेनेचे (उद्धव बाळासाहेब ठाकरे) ज्येष्ठ नेते आणि मुंबईचे माजी महापौर प्रा. विश्वनाथ महाडेश्वर (Vishwanath Mahadeshwar) यांचं मंगळवारी निधन झालं. #SaamanaOnline #VishwanathMahadeshwar #Mumbai #Mayor pic.twitter.com/burqGiVxg4
— Saamana (@SaamanaOnline) May 9, 2023
हेही वाचा – मध्य प्रदेशमध्ये बस पुलावरून नदीत कोसळली..! 15 प्रवाशांचा मृत्यू; 25 जण जखमी
महाडेश्वर यांच्या पश्चात पत्नी, एक मुलगा आणि एक मुलगी असा परिवार आहे. चार वेळा नगरसेवक राहिलेले महाडेश्वर हे 2002 मध्ये पहिल्यांदा या पदावर निवडून आले होते.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!