Fight Between Residents Of Two Buildings : पुण्यातून एक धक्कादायक व्हिडिओ समोर आला आहे. सिंहगड रस्त्यावरील किरकटवाडी येथील दोन इमारतींतील रहिवाशांमध्ये फ्रीस्टाइल मारामारी झाली. व्हायरल झालेल्या व्हिडिओमध्ये रहिवासी एकमेकांना लोखंडी रॉड आणि लाकडी दांडक्यांनी मारहाण करताना दिसून आले. इमारतीत पाणी सोडण्याच्या आणि वाटेतील रस्त्यावरून ये-जा करण्याच्या भांडणातून हा वाद झाला. हवेली पोलीस ठाण्यात परस्पर विरोधी फिर्याद दाखल करण्यात आल्या आहेत.
या भांडणाचा आणि मारामारीचा व्हिडिओ सीसीटीव्ही फुटेजमध्ये कैद झाला आहे. किरकटवाडीतील शिवनगर परिसरात राहणाऱ्या हनुमंत भरेकर, दिनकर भरेकर यांनी शेजारच्या इमारतीत राहणाऱ्या मनोज पांडे, नागेश दारवटकर यांच्याविरोधात हवेली पोलीस ठाण्यात तक्रार दिली होती. यानंतर नागेश दारवटकर यांनी भरेकर यांना तक्रारीबाबत जाब विचारला आणि भांडणाला सुरुवात झाली.
हेही वाचा – रेडेटाका-वरेरी रस्त्यासाठी ४.२० कोटी..! पाच सरपंचांनी केलेलं उपोषण प्रशासनाला पडलं ‘भारी’
पुण्यातील दोन सोसायटीतील रहिवाशांमध्ये हाणामारी#Pune #fight #vachamarathi #buildinginpublic pic.twitter.com/F1LmAyN7T6
— Vacha Marathi (@VachaMarathi) September 20, 2022
बाचाबाचीचा आवाज ऐकून भरेकर यांच्या घरातील महिला व मुलं तसेच शेजारच्या इमारतीतील इतर माणसं जमा झाली. काही वेळातच लोखंडी रॉड व लाकडी दांडक्यांनी मारामारीला सुरुवात झाली. पुरुषांसह या हाणामारीत दोन महिलांच्या डोक्यालाही दुखापत झाली आहे.