Share Market & Election Results 2024 : बापरे बाप शेअर बाजार! हेच आज गुंतवणूकदारांच्या तोंडून बाहेर पडत आहे. लोकसभा निवडणुकीचे सुरुवातीचे कल आणि निकाल पाहता बाजारात चेंगराचेंगरी झाली. भीतीने सर्वजण पैसे काढण्याकडे झुकलेले दिसत होते. परिस्थिती अशी होती की दुपारपर्यंत गुंतवणूकदारांचे 43 लाख कोटी रुपयांहून अधिक भांडवल बुडाले होते. भारतीय शेअर बाजाराच्या इतिहासातील ही सर्वात मोठी घसरण आहे.
खरं तर, एक्झिट पोलमध्ये भाजपच्या नेतृत्वाखालील एनडीए आघाडीला बंपर जागा मिळाल्याचा कल दिसून आला, तेव्हा बाजाराला पंख फुटल्यासारखे वाटले. सोमवार, 3 जून रोजी सेन्सेक्स 2300 हून अधिक अंकांच्या वाढीसह व्यवहार करत होता. पण, मंगळवार, 4 जून रोजी मतमोजणी सुरू होताच गुंतवणूकदार आणि शेअर बाजाराचे चित्र बदलले. सुरुवातीच्या व्यवहारातच सेन्सेक्स 2000 हून अधिक अंकांनी घसरला होता.
बाजार 6100 अंकांनी तुटला
बीएसई सेन्सेक्समध्ये आजची घसरण इतकी होती की चार वर्षानंतर पहिल्यांदाच सेन्सेक्स 8 टक्क्यांनी घसरला आहे. आज सेन्सेक्स 8.01 टक्के किंवा 6,126 अंकांनी घसरून 70,342 वर आला. त्याचप्रमाणे निफ्टीही 8.32 टक्क्यांनी किंवा 1,936 अंकांनी घसरून 21,328 च्या पातळीवर व्यवहार करत होती. जर बाजार 10 टक्क्यांनी घसरला असता तर लोअर सर्किट लागू झाले असते.
हेही वाचा – Mother Dairy : अमूलपाठोपाठ मदर डेअरीनेही दुधाचे दर दोन रुपयांनी वाढवले!
एका दिवसात 6 महिन्यांची कमाई गमावली
शेअर बाजारातील घसरणीमुळे गुंतवणूकदारांचे लाखो कोटींचे भांडवलही बुडाले. बीएसईचे मार्केट कॅप आज 43.2 लाख कोटी रुपयांनी खाली आले. याचा अर्थ गुंतवणूकदारांचे एकाच दिवसात इतके मोठे नुकसान झाले आहे, तर जानेवारीपासून बाजाराचे भांडवल सुमारे 45 लाख कोटी रुपयांनी वाढले आहे. आजच्या घसरणीनंतर बीएसईचे मार्केट कॅप 382.68 लाख कोटी रुपयांवर आले, जे गेल्या सत्रात 425.91 लाख कोटी रुपये होते.
151 स्टॉक एका वर्षाच्या नीचांकावर
भाजपला सत्तेसाठी पूर्ण बहुमत न मिळाल्याने बाजारातील अनेक शेअर्स वर्षभरातील नीचांकी पातळीवर गेले. यामध्ये अनुपम रसायन इंडिया, अतुल लिमिटेड, कॅन फिन होम्स, युरेका फोर्ब्स, जीएमएम फॉडलर, एचडीएफसी लाइफ इन्शुरन्स कंपनी आणि इंडियामार्ट इंटरमेश सारख्या शेअर्सचा समावेश आहे. त्याचप्रमाणे 104 स्टॉक्समध्ये एक वर्षाचे अप्पर सर्किट आहे.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा