Balasahebanchi Shivsena First Branch : महाराष्ट्रातील राजकारणात चिन्ह आणि नाव यांची चर्चा जोरात आहे. शिवसेनेच्या दोन गटातील घडामोडींमध्ये एक नवी बातमी समोर आली आहे. एकनाथ शिंदे गटाच्या ‘बाळासाहेबांची शिवसेना’ यांनी आपली पहिली शाखा उघडली आहे. निवडणूक आयोगाच्या निर्णयानंतक शिंदे गटाच्या शिवसेनेचे उपनेते विजय नहाटा आणि माजी विरोधी पक्षनेते विजय चौगुले यांच्या हस्ते मुंबईतील नेरूळ येथे पहिली शाखा उघडण्यात आली आहे.
निवडणूक आयोगाने काल एकनाथ शिंदे यांना बाळासाहेबांची शिवसेना आणि उद्धव ठाकरे गटाला शिवसेना उद्धव बाळासाहेब ठाकरे असे नाव दिले आहेत. ठाकरे गटाला त्यांच्या पक्षासाठी मशाल हे चिन्ह दिले असून शिंदे गटाला ढाल-तलवार हे चिन्ह मिळाल्याचे सुत्रांकडून सांगण्यात येत आहे.
हेही वाचा – VIDEO : आरोन फिंचनं अंपायरला दिली शिवी..! स्टम्प माइकवर आलं ऐकू
निवडणूक आयोगाकडून उद्धव ठाकरे गट आणि एकनाथ शिंदे गटाला तीन पर्यायी चिन्हे आणि नावे देण्यात आली. मात्र निवडणूक आयोगाने ‘त्रिशूल’, ‘उगवता सूर्य’ आणि ‘गदा’ देण्यास नकार दिला होता. कारण ही निवडणूक चिन्हे मुक्त चिन्हांच्या यादीत नाहीत.