Maharashtra Police Recruitment 2022 : महाराष्ट्रातील पोलीस भरतीसाठी प्रयत्न करणाऱ्यांसाठी अतिशय आनंदाची बातमी आहे. शिंदे सरकार लवकरच पोलीस दलातील १८ हजार जागांसाठी भरती प्रक्रिया सुरू करणार आहे. राज्याचे उपमुख्यमंत्री आणि गृहमंत्री देवेंद्र फडणवीस यांनी याबाबत ही घोषणा केली. केद्र सरकारच्या पार्श्वभूमीवर राज्यातही तरुणांना रोजगार दिला जाणार असल्याचे फडणवीसांनी सांगितले.
मोदी सरकारने आजपासून देशातील तब्बल १० लाख तरुणांना रोजगार देणाऱ्या योजनेला सुरुवात केली आहे. पहिल्या टप्प्यात सुमारे ७५ हजार तरुणांना रोजगार देण्याचे येणार आहे. नागपूर विमानतळावरुन प्रसारमाध्यमांशी बोलताना फडणवीस यांनी मोदी सरकारचे कौतुक केले. या आठवड्याभरात पोलीस भरतीसंदर्भात जाहिरात काढली जाईल, असे देवेंद्र फडणवीसांनी म्हटले आहे.
हेही वाचा – Video : प्लाझ्माऐवजी सलाइनमधून दिला मोसंबी ज्यूस..! पेशंटचा मृत्यू; वाचा!
मंत्री गिरीश महाजन यांनी शुक्रवारी पत्रकार परिषदेत बोलताना आरोग्य विभागातील भरतीसंदर्भात घोषणा केली. आरोग्य विभागातील १० हजार १२७ जागांसाठी भरती प्रक्रियेचे वेळापत्रक त्यांनी जाहीर केले आहे.