Nagraj Manjule announces Naal 2 : ”आई मला खेळायला जायचंय… जावू दे न वं”, असं म्हणणाऱ्या छोट्या चैतन्यने नाळ चित्रपटातून मराठी प्रेक्षकांची मने जिंकली होती. या चित्रपटात ब्लॉकबस्टर दिग्दर्शक नागराज मंजुळे यांनी अभिनय केला होता. या चित्रपटातील कथानक आणि बालकलाकारपासून ते सर्व कलाकारांचा अभिनय प्रेक्षकांना वेड लावून गेला. आता चैतन्य आणि नागराज मंजुळे पुन्हा एकदा लोकांना भुरळ पाडण्यासाठी सज्ज झाले आहेत. नागराज मंजुळे यांनी ‘नाळ २’ ची घोषणा करत चाहत्यांना खुश केलं आहे.
२०१८ मध्ये आलेल्या ‘नाळ’ चित्रपटाचं दिग्दर्शन सुधाकर रेड्डी येंकटी तर नागराज मंजुळे यांनी या चित्रपटाची निर्मिती केली होती. आता नागराज यांनी एक पोस्ट शेअर करत ‘नाळ २’ ची घोषणा केली. नागराज म्हणाले, ”मागच्या महिन्यात सुधाकरने Sudhakar Yakkanti अचानक फोन करून सांगितलं की नाळचा दुसरा भाग लिहिलाय. ऐकायला कधी भेटुयात? नाळ चा दुसरा भाग काय होऊ शकतो याबाबत माझ्याही मनात उत्सुकता तयार झाली. स्क्रिप्ट ऐकली ती इतकी अनपेक्षित तरीही सहज नि भारी होती की दोन महिन्यांच्या जय्यत तयारीनिशी फिल्मचं शूटिंग झटक्यात सुरू केलं. पहिल्या “नाळ” प्रमाणेच ‘नाळ’चा दुसरा भागही संस्मरणीय होईल अशी आशा आहे ! “नाळ 2″ च्या नावानं चांगभलं!!!”
हेही वाचा – Bank Holidays October 2022 : ऑक्टोबरमध्ये २१ दिवस बँका बंद..! वाचा सुट्ट्यांची यादी
😍😍
वाचा संपूर्ण बातमी – https://t.co/w1mwLmMhzH#नाळ #Naal #NagrajManjule #MarathiFilm #vachamarathi #Entertainment pic.twitter.com/xuPMKw2TCh
— Vacha Marathi (@VachaMarathi) October 1, 2022
‘नाळ २’ च्या घोषणेनंतर लोकांनी आपली उत्सुकता ताणली आहे. ‘नाळ २’ हा चित्रपट प्रेक्षकांच्या पसंतीस उतरणार का हे पाहणे उत्सुकतेचे ठरेल.