Rajgurunagar Pune Accident : पुणे जिल्ह्यातील राजगुरुनगर येथून हृदय हेलावून टाकणारी घटना समोर आली आहे. ट्रॅक्टरच्या चाकाखाली येऊन सहा महिन्यांच्या मुलाचा मृत्यू झाला. हा हृदय पिळवटून टाकणारा व्हिडिओ इंटरनेटवर व्हायरल होत आहे. मुलाला चिरडून ट्रॅक्टरचालक पळून गेला. मुलाचे आईवडील मुलासोबत असहाय अवस्थेत दिसत आहेत.
परिसरातील सीसीटीव्ही फुटेजमध्ये असं दिसून आलं आहे की रस्त्याच्या कडेला ट्रॅक्टरच्या शेजारी एक दुचाकी जात होती. फुटेजमध्ये त्या दुचाकीवर बसलेले लोक ट्रॅक्टर जाताना रस्त्यावर पडताना दिसत आहेत. पती-पत्नी आणि त्यांचे ६ महिन्यांचं मूल बाईकवर होतं. या अपघातानंतर आई रस्त्यावरून उठते आणि लगेच मुलाला उचलते. आणि काही क्षण ते पती-पत्नी रस्त्यावर उभे असताना त्या मुलाला छातीशी धरून ठेवतात. रस्त्यावरचे लोक बघत राहतात. यात मुलाचा जागीच मृत्यू झाल्याचे सांगण्यात येत आहे. काही लोक येऊन त्याची दुचाकी उचलून रस्त्याच्या कडेला घेऊन जातात.
हेही वाचा – दुसरीत शिकणाऱ्या विद्यार्थ्याचा वर्गातच मृत्यू! पोलिसांनी म्हटलं…
बाईक घसरली..
परिसरातील सीसीटीव्ही फुटेजमध्ये असे दिसते की मुलाला घेऊन जाणारी दुचाकी ट्रॅक्टरला ओव्हरटेक करण्याच्या प्रयत्नात रस्त्यावर घसरली. दुचाकी चालवणाऱ्या व्यक्तीचे दुचाकीवरील नियंत्रण सुटले, त्यामुळे ते खाली पडले. या अपघाताच्या प्राथमिक तपासात योग्य पार्किंग नसल्यामुळे व रस्त्याची वर्दळ यामुळे दुचाकी घसरल्याचे निष्पन्न झाले आहे.