Reels in 3D Avatar On Instagram : आता, इन्स्टाग्राम (Instagram) यूजर्स त्यांचे 3D अवतार त्यांच्या रील्स (Reels) वर शेअर करू शकतात. जरी ते त्यांच्या फॉलोअर्ससाठी पर्सनलाइज करू शकतात. सोशल मीडिया प्लॅटफॉर्म इन्स्टाग्रामने यापूर्वी केवळ स्टोरी रिअॅक्शन आणि चॅटमध्ये 3D अवतार सक्षम केले होते. एकदा तुमचा अवतार तयार झाला की, तुम्ही तो रील, चॅट आणि स्टोरीजमध्ये वापरू शकता.
जर तुम्हाला रीलमध्ये 3D अवतार वापरायचा असेल, तर येथे दिलेल्या स्टेप्स फॉलो करा.
स्टेप १ : प्रथम इन्स्टाग्राम अॅपवर जा. आता डावीकडे स्वाइप करा आणि रील्स टॅबवर जा.
स्टेप २ : आता तुमची रील रेकॉर्ड करा. एडिट करताना स्टिकर्स बटणावर क्लिक करा.
स्टेप ३ : आता अवतार पर्यायावर क्लिक करा आणि तुमच्या आवडीच्या अवतार रिअॅक्शनवर क्लिक करा.
स्टेप ४ : रील एडिट केल्यानंतर, पुढील बटणावर क्लिक करा.
स्टेप ५ : तुमचा कॅप्शन टाका आणि लोकांना टॅग करा. आता शेअर निवडा.
हेही वाचा – शेतकऱ्यांसाठी बनवली बाईक..! होणार शेतीची सर्व कामं; इंजिनीयरिंगच्या पोरांचं भारी संशोधन!
मेटा (Meta) नवीन वैशिष्ट्यांवर काम करत आहे आणि लवकरच किशोरवयीन मुलांसाठी त्यांची गोपनीयता लक्षात घेऊन एक फीचर सुरू करणार आहे. यामध्ये किशोरवयीन त्यांचे प्रोफाइल त्यांच्या मित्रांच्या यादीपर्यंत मर्यादित करू शकतात. त्यांचे पेज आणि पोस्ट कोण पाहू आणि लाईक करू शकतात हे ते ठरवू शकतात. इन्स्टाग्रामवरील पोर्नोग्राफिक व्हिडिओ आणि फोटोंपासून किशोरवयीन मुलांचेही संरक्षण केले जाईल.