PNB Alert : पंजाब नॅशनल बँकेच्या (PNB) ग्राहकांसाठी एक महत्त्वाची बातमी आहे. ज्या पीएनबी ग्राहकांनी अद्याप त्यांचे केवायसी (नो युवर कस्टमर) अपडेट केलेले नाही, त्यांना पुढील महिन्यापासून समस्यांना सामोरे जावे लागू शकते. ज्या ग्राहकांचे KYC १२ डिसेंबरनंतर प्रलंबित राहील, त्यांना त्यांच्या खात्यातून व्यवहार करण्यात अडचणी येऊ शकतात. बँकेने म्हटले आहे की रिझर्व्ह बँकेच्या नियमांनुसार, ग्राहकांनी त्यांचे केवायसी १२ डिसेंबर २०२२ पर्यंत अपडेट केले पाहिजे.
PNB ने एका प्रसिद्धीपत्रकात म्हटले आहे की ज्या ग्राहकांचे KYC अपडेट प्रलंबित आहे, त्यांच्या नोंदणीकृत पत्त्यावर आणि त्यांच्या नोंदणीकृत मोबाइल नंबरवर एसएमएसद्वारे दोन नोटिसा पाठवण्यात आल्या आहेत. बँकेने २० आणि २१ नोव्हेंबर २०२२ रोजी त्यांच्या सोशल मीडिया खात्यावर या संदर्भात एक अधिसूचना देखील शेअर केली होती.
KYC आवश्यक
PNB ने आपल्या ट्वीटमध्ये म्हटले होते, ”आरबीआयच्या मार्गदर्शक तत्त्वांनुसार, सर्व ग्राहकांसाठी KYC अपडेट करणे अनिवार्य आहे. जर तुमचे खाते ३०.०९.२०२२ पर्यंत KYC अपडेटसाठी देय असेल, तर तुम्हाला त्याबद्दल आधीच माहिती देण्यात आली आहे. तुम्हाला १२.१२.२०२२ पूर्वी तुमचे KYC अपडेट करण्यासाठी मूळ शाखेशी संपर्क साधण्याची विनंती केली जाते. अपडेट न केल्यामुळे, तुमच्या खात्याच्या ऑपरेशनवर बंदी घातली जाऊ शकते.
हेही वाचा – Petrol Diesel Price Today : महाराष्ट्रात महागलं पेट्रोल-डिझेल..! सर्वसामान्यांना चटका; जाणून घ्या दर!
RBI सल्ला
वाढत्या ऑनलाइन फसवणुकीचा धोका लक्षात घेता, रिझर्व्ह बँक ऑफ इंडियाने देशातील सर्व बँकांना नियमितपणे KYC अपडेट करण्याचा सल्ला दिला आहे. पूर्वी बँका ग्राहकांना १० वर्षांतून एकदा KYC अपडेट करण्यास सांगत असत. मात्र आता अनेक बँका तीन वर्षांच्या अंतरानंतरही ते अपडेट करण्यास सांगत आहेत.
KYC याप्रमाणे अपडेट करता येईल..
केवायसी अपडेट करण्यासाठी ग्राहकांना पत्ता पुरावा, फोटो, पॅन, आधार क्रमांक आणि मोबाइल क्रमांक द्यावा लागेल. आपण ई-मेल पाठवून देखील हे कार्य पूर्ण करू शकता. तसेच, तुम्ही बँकेच्या शाखेत जाऊन ही प्रक्रिया पूर्ण करू शकता. कोणत्याही ग्राहकाला केवायसी अपडेटसाठी बोलावले जात नसल्याचे बँकेने स्पष्ट केले आहे. त्यामुळे अशा फंदात पडू नका. कोणत्याही ग्राहकाला केवायसी संबंधित समस्या असल्यास ते थेट बँकेच्या ग्राहक सेवा क्रमांकावर संपर्क साधू शकतात.