Petrol Diesel Price Today : सोमवारी क्रूडच्या दरात वाढ होताना दिसत आहे. आंतरराष्ट्रीय बाजारात ब्रेंट क्रूड १.८ टक्‍क्‍यांनी प्रति बॅरल ८१ डॉलरच्या वर व्यापार करत आहे. तर अमेरिकन क्रूड डब्ल्यूटीआय देखील १.९ टक्के मजबूतीसह प्रति बॅरल $ ७७.०४ वर व्यापार करत आहे. अमेरिकेतील क्रूड इन्व्हेंटरी कमी झाल्यामुळे क्रूडच्या किमतीला काहीसा आधार मिळत आहे. रशिया आणि युक्रेनमधील तणावाची पातळी वाढल्याने क्रूड पुरवठ्यात आणखी अडथळा येऊ शकतो. पण देशांतर्गत बाजाराबद्दल बोलायचे झाले तर देशातील प्रमुख शहरांमध्ये पेट्रोल आणि डिझेलच्या दरात कोणताही बदल झालेला नाही.
तेल विपणन कंपन्यांनी २४ जुलै २०२३ रोजी पेट्रोल आणि डिझेलच्या किमती स्थिर ठेवल्या आहेत. मात्र, देशाचे पेट्रोलियम मंत्री हरदीप सिंग पुरी यांनी गेल्या आठवड्यात असे संकेत दिले होते की, येत्या काही दिवसांत पेट्रोल आणि डिझेलचे दर कमी होऊ शकतात. आज राजधानी दिल्लीत १ लिटर पेट्रोलची किंमत ९६.७२रुपये आहे, तर १ लिटर डिझेलची किंमत ८९.६२ रुपये आहे. त्याचवेळी मुंबईत पेट्रोल १०६ रुपयांच्या पुढे आहे. देशातील सर्वात महाग पेट्रोल आणि डिझेल राजस्थानच्या श्रीगंगानगरमध्ये आहे. तर सर्वात स्वस्त पेट्रोल पोर्ट ब्लेअरमध्ये ८४.१० रुपये प्रति लिटर आहे. पंजाबमध्ये नुकत्याच व्हॅटमध्ये वाढ केल्यानंतर राज्यात पेट्रोल प्रतिलिटर ९२ पैशांनी महागले आहे. डिझेलच्या दरातही प्रतिलिटर ८८ पैशांनी वाढ झाली आहे.2w
कोणत्या शहरात तेलाचे दर किती आहेत?
– दिल्लीत पेट्रोल ९६.७२ रुपये आणि डिझेल ८९.६२ रुपये प्रति लिटर
– मुंबईत पेट्रोल १०६.३१ रुपये आणि डिझेल ९४.२७ रुपये प्रति लिटर
– चेन्नईमध्ये पेट्रोल १०२.६३ रुपये आणि डिझेल ९४.२४ रुपये प्रति लिटर
– कोलकातामध्ये पेट्रोल १०६.०३ रुपये आणि डिझेल ९२.७६ रुपये प्रति लिटर
हेही वाचा – करोडो संपत्तीचा मालक, वडील केंद्रीय मंत्री, तरी करतोय स्वत:चा व्यवसाय!
अशा प्रकारे तुम्हाला आजची नवीन किंमत कळू शकते
तुम्ही एसएमएसद्वारे पेट्रोल डिझेलचे दैनंदिन दर देखील जाणून घेऊ शकता. इंडियन ऑइलचे ग्राहक RSP आणि त्यांचा शहर कोड टाइप करून ९२२४९९२२४९ वर एसएमएस पाठवून माहिती मिळवू शकतात आणि BPCL ग्राहक RSP आणि त्यांचा शहर कोड ९२२३११२२२२ टाइप करून माहिती मिळवू शकतात. तर, HPCL ग्राहक HPPRICE आणि त्यांचा शहर कोड ९२२२२०११२२ वर पाठवून किंमत जाणून घेऊ शकतात.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!