Petrol Diesel Price Today : जागतिक बाजारात कच्च्या तेलाच्या किमतीत चढ-उतार होत असले तरी देशातील पेट्रोल आणि डिझेलचे दर स्थिर आहेत. भारतीय तेल कंपन्यांनी आज १६ जानेवारी २०२३ रोजीही पेट्रोल आणि डिझेलच्या किमती स्थिर ठेवल्या आहेत. दिल्ली, मुंबई, कोलकाता आणि चेन्नईसह देशभरातील सर्व शहरांमध्ये वाहनांच्या इंधनाच्या दरात कोणताही बदल झालेला नाही, राष्ट्रीय बाजारात पेट्रोल आणि डिझेलचे दर तसेच आहेत.
पोर्ट ब्लेअर मध्ये सर्वात स्वस्त पेट्रोल आणि डिझेल
इंडियन ऑइल कॉर्पोरेशन (IOCL) च्या अधिकृत वेबसाइट iocl.com नुसार, पोर्ट ब्लेअरमध्ये सर्वात स्वस्त पेट्रोल-डिझेल विकले जात आहे. जिथे पेट्रोलचा दर ८४.१० रुपये प्रति लिटर आणि डिझेलचा दर ७९.७४ रुपये प्रति लिटर आहे.
प्रमुख शहरांमधील पेट्रोल आणि डिझेलच्या नवीन किंमती जाणून घ्या
दिल्लीत पेट्रोल ९६.७२ रुपये प्रति लीटर तर डिझेल ८९.६२ रुपये प्रति लीटर विकले जात आहे. तर मुंबईत पेट्रोल १०६.३१ रुपये आणि डिझेल ९४.२७ रुपये प्रतिलिटर आहे. तर कोलकात्यात पेट्रोल १०६.०३ रुपये आणि डिझेल ९२.७६ रुपये प्रति लिटर आहे. दुसरीकडे, चेन्नईमध्ये पेट्रोल १०२.६३ रुपये आणि डिझेल ९४.२४ रुपये प्रति लिटर दराने विकले जात आहे.
हेही वाचा – Post Office Recruitment : पोस्ट ऑफिसमध्ये नोकरी..! ९८०८३ जागांसाठी भरती; ‘असा’ भरा…
तुमच्या शहरातील पेट्रोल आणि डिझेलची किंमत एसएमएसद्वारे तपासा
राज्यस्तरीय करांमुळे पेट्रोल आणि डिझेलचे दर राज्यानुसार बदलतात. तुमच्या शहरातील पेट्रोल आणि डिझेलचे दर तुम्हाला एसएमएसद्वारे दररोज कळू शकतात. यासाठी इंडियन ऑइलच्या (IOCL) ग्राहकांना RSP कोड ९२२४९९२२४९ या क्रमांकावर पाठवावा लागेल. तुमच्या शहराचा RSP कोड जाणून घेण्यासाठी येथे क्लिक करा.
पेट्रोल-डिझेलचे दर रोज अपडेट होतात
आंतरराष्ट्रीय बाजारपेठेतील कच्च्या तेलाच्या आधारावर तेल विपणन कंपन्या दररोज पेट्रोल आणि डिझेलच्या किमतींचा आढावा घेऊन दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम तेल कंपन्या दररोज सकाळी वेगवेगळ्या शहरांमध्ये पेट्रोल आणि डिझेलच्या किमतींची माहिती अपडेट करतात. मात्र, अनेक दिवसांपासून देशभरात पेट्रोल आणि डिझेलचे दर कायम आहेत.