Pan Card : पॅन कार्ड हे देशभरात अनेक महत्त्वाच्या उद्देशांसाठी वापरले जाते. हा एक अतिशय महत्त्वाचा दस्तऐवज आहे जो प्रत्येक नागरिकाकडे असायला हवा. कारण देशातील विविध उद्देशांसाठी आर्थिक माहिती भरणे आणि शेअर करणे आवश्यक आहे. लोकांनी काही महत्त्वाच्या गोष्टींची काळजी घेतली पाहिजे कारण एक छोटीशी चूक देखील तुम्हाला १०,००० रुपये दंड आकारू शकते.
पॅनकार्डधारकांनी राहा सावधान
कोणतीही कायदेशीर अडचण किंवा आर्थिक नुकसान टाळण्यासाठी तुम्हाला अत्यंत सावधगिरीने पॅन क्रमांक भरावा लागेल. पॅन कार्डची चुकीची माहिती भरल्यास तुम्हाला दंड भरावा लागू शकतो. शिवाय, एखाद्या व्यक्तीकडे दोन पॅनकार्ड असले तरी त्यांना दंड म्हणून मोठी रक्कम भरावी लागू शकते. IT कायदा, १९६१ च्या कलम २७२ B अंतर्गत, पॅनबद्दल खोटी माहिती देणाऱ्या व्यक्तीला १०,००० रुपयांचा दंड होऊ शकतो. ही तरतूद विशेषतः इन्कम टॅक्स रिटर्न (ITR) फॉर्म भरताना किंवा पॅन कार्ड माहिती प्रविष्ट करणे आवश्यक असलेल्या इतर प्रकरणांमध्ये लागू होते. या प्रकरणात, तुम्ही १० अंकी पॅन कार्ड क्रमांक काळजीपूर्वक भरा.
हेही वाचा – खळबळजनक..! चीनमध्ये धुमाकूळ घालणारा कोरोना BF.7 व्हायरस भारतात दाखल; ‘इतक्यांना’ लागण!
एका व्यक्तीकडे एक पॅनकार्ड…
याशिवाय, पॅनचा आणखी एक नियम आहे ज्याकडे तुम्हाला लक्ष देणे आवश्यक आहे. एका व्यक्तीला फक्त एकच पॅन कार्ड ठेवण्याची परवानगी आहे. जर एखाद्या व्यक्तीकडे दोन पॅनकार्ड असतील तर त्याला दंड भरावा लागतो. आयकर विभाग असे पॅन कार्ड रद्द करू शकतो आणि नियमानुसार दंड आकारू शकतो. विहित मार्गदर्शक तत्त्वांचे पालन करून तुम्ही तात्काळ दुसरे पॅन कार्ड विभागाकडे जमा करावे.
अनेकदा लोक नवीन पॅनकार्डसाठी अर्ज करतात तेव्हा ते त्यांच्यापर्यंत वेळेवर पोहोचत नाही आणि ते पुन्हा दुसऱ्या पॅनकार्डसाठी अर्ज करतात. जर तुम्हाला एकाच नावाची आणि पत्त्याची दोन पॅनकार्डे मिळाली तर त्यातील एक ताबडतोब सरेंडर करावे लागेल. दोन्ही कार्डमध्ये पॅन क्रमांक वेगवेगळा असला तरी नियमानुसार व्यक्तीकडे एकच पॅनकार्ड असणे आवश्यक आहे.