Measles Outbreak In Mumbai : महाराष्ट्राची राजधानी मुंबईत गोवरची साथ पसरली आहे. येथे ७४० संशयित बालरुग्ण आढळून आले आहेत. मिळालेल्या माहितीनुसार, मुंबईतील देवनार, गोवंडी भागातील ५० मुलांमध्ये गोवरची लक्षणे आढळून आली आहेत. त्यानंतर त्यांना कस्तुरबा रुग्णालयात दाखल करण्यात आले आहे. याशिवाय येथे १०९ मुलांना लागण झाली आहे. गोवरमुळे आतापर्यंत 3 बालकांचा मृत्यू झाला आहे. तत्सम लक्षणे असलेल्या मुलांना दाखल करण्यासाठी पालिकेच्या कस्तुरबा रुग्णालयात एक विशेष वॉर्ड बनवण्यात आला आहे.
गोवर हा एक संसर्गजन्य रोग आहे जो एका व्यक्तीकडून दुसऱ्या व्यक्तीकडे सहज पसरतो. त्यामुळे या आजारात बाधित रुग्णांपासून अंतर ठेवण्याचा सल्ला डॉक्टर देतात. गोवर पॅरामिक्सोव्हायरस कुटुंबातील विषाणूच्या संसर्गामुळे होतो. जेव्हा त्याचा संसर्ग होतो तेव्हा हा विषाणू तुमच्या शरीरातील पेशींवर हल्ला करू लागतो आणि हळूहळू त्याची लक्षणे दिसू लागतात. गोवर संसर्ग झाल्यास, लक्षणे ओळखून सुरुवातीलाच उपचार केले पाहिजेत. तज्ज्ञ डॉक्टरांकडून तपासणी करून उपचार घेणे आवश्यक आहे.
हेही वाचा – Viral Video : पुण्यात बस चालक आणि तरुणाची फ्रीस्टाईल मारामारी; ‘हे’ होतं कारण
गोवरपासून बचाव करण्यासाठी तुम्ही ही खबरदारी घ्यावी –
गोवर संसर्ग झाल्यास, रुग्णाला प्रथम इतर लोकांपासून वेगळे केले पाहिजे. संक्रमित व्यक्तीच्या संपर्कात आल्याने देखील तुम्हाला संसर्ग होऊ शकतो. गोवर झाल्यास रुग्णाला पुरेशी विश्रांती घेण्याचा सल्ला दिला जातो. या आजाराच्या उपचारासाठी कोणतेही विशिष्ट औषध नसल्याने रुग्णाला लक्षणांच्या आधारे औषधे दिली जातात.
शरीरातील डिहायड्रेशन टाळण्यासाठी पुरेसे पाणी प्या आणि द्रव पेयांचे सेवन करा. सूप, ज्यूस आणि हर्बल टी इत्यादींचे सेवन करणे फायदेशीर मानले जाते. गोवर टाळण्यासाठी पुरेशा प्रमाणात व्हिटॅमिन ए असलेल्या पदार्थांचा समावेश करावा. अ जीवनसत्वाच्या कमतरतेमुळे गोवरचा धोका वाढतो. गोवर टाळण्यासाठी कडुलिंबाच्या पानांचा वापरही खूप फायदेशीर आहे. हे खाज कमी करण्यासाठी देखील वापरले जाऊ शकते. कडुलिंबाची पाने पाण्यात उकळून त्या पाण्याने आंघोळ केल्याने फायदा होतो. गोवरच्या रुग्णाने नारळपाणी सेवन करावे. याचे सेवन शरीराला पाण्याच्या कमतरतेपासून वाचवण्याचे काम करते आणि प्रतिकारशक्ती वाढवण्याचे काम करते.