LPG Cylinder Price : नवीन वर्षाच्या पहिल्याच दिवशी सर्वसामान्यांना मोठा धक्का बसला आहे. १ जानेवारी २०२३ पासून गॅस सिलिंडरच्या किमती वाढल्या आहेत. आजपासून सिलिंडर महाग झाला आहे. गॅस सिलिंडरच्या किमतीत २५ रुपयांनी वाढ झाली आहे. दिल्ली, मुंबईपासून पाटणापर्यंत सर्वच शहरांमध्ये गॅस सिलिंडर खरेदी करणे महाग झाले आहे. जाणून घ्या शहरानुसार दर.
कोणता सिलेंडर महागला?
१ जानेवारी २०२३ पासून व्यावसायिक सिलिंडरच्या किमती वाढल्या आहेत. त्याचबरोबर घरगुती गॅस सिलिंडरच्या किमतीही कायम आहेत. म्हणजेच, घरगुती सिलिंडरसाठी, तुम्हाला मागील महिन्यात जितका खर्च केला होता तितकाच खर्च करावा लागेल. त्याच वेळी, व्यावसायिक सिलिंडरसाठी २५ रुपये अधिक खर्च केले जातील.
हेही वाचा – UPSC Interview Questions : माणसाची अशी कोणती गोष्ट आहे, जी दरवर्षी वाढते?
व्यावसायिक सिलिंडरचे दर (रुपयांमध्ये) –
- दिल्ली – १७६९
- मुंबई – १७२१
- कोलकाता – १८७०
- चेन्नई – १९१७
घरगुती सिलिंडरचे दर (रुपयांमध्ये) –
- दिल्ली – १०५३
- मुंबई – १०५२.५
- कोलकाता – १०७९
- चेन्नई – १०६८.५
गेल्या वर्षभरात सिलिंडर १५३.५ रुपयांनी महागला
घरगुती गॅस सिलिंडरच्या किंमतीतील शेवटचा बदल म्हणजे १४.२ किलो सिलेंडर ६ जुलै २०२२ रोजी करण्यात आला होता. गेल्या वर्षभरात घरगुती गॅस सिलिंडरच्या किमती १५३.५ रुपयांनी वाढल्या आहेत. २०२२ मध्ये मार्च महिन्यात घरगुती सिलिंडरच्या किमती ५० रुपयांनी वाढल्या होत्या. नंतर मे महिन्यात पुन्हा भावात ५० रुपयांनी वाढ करण्यात आली. त्याचवेळी मे महिन्यात दुसऱ्यांदा ३.५० रुपयांनी दरवाढ करण्यात आली. यानंतर जुलैमध्ये शेवटच्या वेळी दरात ५० रुपयांनी वाढ करण्यात आली होती.