High Blood Pressure : अचानक ब्लड प्रेशर वाढणे हे हानिकारक आहेत. खराब जीवनशैलीमुळे तरुण वयातच लोक ब्लड प्रेशरच्या समस्येला बळी पडतात, त्यामुळे आजच्या काळात तरुणांनाही बीपीच्या समस्येला सामोरे जावे लागते. ब्लड प्रेशर वाढल्यास त्याचा हृदयावर तसेच मेंदूवर वाईट परिणाम होतो, ज्यामुळे स्ट्रोक, हृदयविकाराचा झटका यांसारख्या गंभीर वैद्यकीय परिस्थिती उद्भवू शकतात. त्यामुळे ब्लड प्रेशर वाढल्यास त्वरित लक्ष देणे आवश्यक आहे.
वाढत्या बीपीची लक्षणे दिसू लागल्यास त्याकडे दुर्लक्ष करण्याची चूक करू नये, उलट तात्काळ आराम मिळण्यासाठी उपाययोजना करणे आवश्यक आहे, अन्यथा रुग्णाचा जीवही धोक्यात येऊ शकतो. बीपी वाढल्यास ताबडतोब आराम मिळवण्यासाठी कोणते उपाय करणे योग्य आहे ते जाणून घेऊया.
हे काम आधी करा!
जर एखाद्याचा बीपी वाढला असेल तर त्या व्यक्तीला पंख्याच्या हवेत आरामात बसवा आणि त्याच्याभोवती गर्दी करू नका. नंतर दीर्घ श्वास घेण्यास सांगा. सामान्य तापमानाचे पाणी द्या आणि त्याला सिप करून पिण्यास सांगा. यामुळे रुग्णाला तात्काळ आराम मिळेल.
हेही वाचा – गुहेत सापडला 5600 वर्ष जुना ‘अंडरवॉटर’ पूल..!
ही फळे फायदेशीर
हाय ब्लड प्रेशर असलेल्यांसाठी केळी, किवी, सफरचंद खाणे फायदेशीर आहे. ब्लड प्रेशर वाढल्यास, प्रथम रुग्णाला यापैकी एक फळ खाण्यासाठी द्या आणि त्याला आरामात बसवून पाणी द्या. यामुळे बीपी नियंत्रणातही मदत होते.
लिंबू पाणी
ब्लड प्रेशर वाढल्यास लिंबू पाणी प्यायल्यानेही लगेच आराम मिळतो, मात्र मीठ किंवा साखर घालू नये. शक्य असल्यास, एक ते दोन ग्लास पाणी प्या जेणेकरून लघवी जाऊ शकेल. याशिवाय तोंडावर पाणी शिंपडावे आणि काही वेळ मोकळ्या जागेवर हलकेच चालावे.
या गोष्टी लक्षात ठेवा!
जर तुम्हाला हाय ब्लड प्रेशरची समस्या असेल तर तुम्ही रोज सकाळी थोडे चालावे किंवा योगासने आणि एरोबिक्स व्यायामाचा तुमच्या दिनचर्येमध्ये समावेश करावा. प्रत्येक छोट्या-छोट्या गोष्टीवर ताण घेण्याची सवय सोडणे चांगले. याशिवाय मीठाचे सेवन कमी करावे आणि भाज्या, फळे, सॅलड असे हलके पदार्थ खावे, ज्यामध्ये तेलाचा वापर कमी केला गेला असेल. तुम्ही तुमचे बीपी तपासत राहावे आणि काही समस्या असल्यास ताबडतोब डॉक्टरांशी संपर्क साधणे चांगले.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!