PAN Card : पॅन कार्ड आधारशी लिंक करण्याची शेवटची मुदतही संपली आहे. याआधीही सरकारने अनेकवेळा मुदतवाढ दिली होती, मात्र यावेळी मुदतवाढ देण्यात आलेली नाही. प्राप्तिकर विभागाने दिलेल्या माहितीनुसार, जे पॅन कार्ड अद्याप आधारशी लिंक केलेले नाहीत, ते 1 जुलैपासून निष्क्रिय करण्यात आले आहेत. जर तुमचे पॅन कार्ड देखील अशाच प्रकारे निष्क्रिय झाले असेल तर घाबरण्याचे काही कारण नाही. कारण तुमच्याकडे अजूनही ते पुन्हा सक्रिय करण्याचा पर्याय आहे.
केंद्रीय प्रत्यक्ष कर मंडळाच्या अधिसूचनेनुसार, तुम्ही 1000 रुपये शुल्क भरून निष्क्रिय पॅन कार्ड पुन्हा सक्रिय करू शकता. जाणून घ्या पॅन कार्ड पुन्हा सक्रिय करण्याची प्रक्रिया.
पॅन सक्रिय आहे की नाही हे कसे तपासायचे?
तुमचे पॅन कार्ड सक्रिय आहे की निष्क्रिय आहे हे जर तुम्हाला माहीत नसेल तर तुम्ही ते घरबसल्या ऑनलाइन सहज तपासू शकता. हे तपासण्यासाठी, प्रथम आयकर फाइलिंग पोर्टल incometax.gov.in/iec/foportal/ वर जा. येथे Quick Links विभागात, “Verify Your PAN” सेवेच्या पर्यायावर क्लिक करा. आता तुमचा पॅन क्रमांक, नाव आणि जन्मतारीख मोबाइल क्रमांकासह “Verify Your PAN” पेजवर टाका. त्यानंतर “Continue” वर क्लिक करा आणि OTP टाका. सत्यापन यशस्वी होताच, तुम्हाला तुमच्या स्क्रीनवर पॅनची स्थिती दिसेल.
हेही वाचा – डायबेटिस असणारी माणसं आंबा खाऊ शकतात का? 2 मिनिटांत दूर करा गोंधळ!
पॅन पुन्हा सक्रिय कसे करावे?
जर तुमचे पॅन निष्क्रिय झाले असेल, तर ते पुन्हा सक्रिय करण्यासाठी तुम्हाला त्याच पोर्टल incometax.gov.in/iec/foportal/ वर जावे लागेल. येथे ‘ई-पे टॅक्स’ वर जा आणि तुमचा पॅन तपशील प्रविष्ट करा. यानंतर CHALLAN NO./ITNS 280 वर जा आणि फी भरा. यानंतर, मूल्यांकन वर्ष निवडा आणि पत्ता प्रविष्ट करा. त्यानंतर कॅप्चा कोड भरा आणि Proceed टॅबवर क्लिक करा. ही प्रक्रिया पूर्ण केल्यानंतर 30 दिवसांनी तुमचा पॅन पुन्हा सक्रिय होईल.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!