भारतापेक्षा अमेरिकेत तांदूळ ८ पट महाग, टॅक्सीचं भाडं तर विचारूच नका!

India vs US Comparison Cost Of Living : संपूर्ण जग महागाईने हैराण झाले आहे. मंदीच्या गर्तेत अडकलेल्या ब्रिटनमध्ये महागाईने सर्वसामान्यांचे कंबरडे मोडले आहे. अमेरिकेत ऑक्टोबर महिन्यात महागाईचा दर घसरला असला तरी जीवनावश्यक वस्तूंच्या किमती गगनाला भिडल्या आहेत. त्यामुळे अमेरिकेत राहणे महाग झाले आहे. अमेरिकेत जाण्याची इच्छा असलेल्या भारतीयांचे स्वप्न अमेरिकन महागाईने महाग केले आहे. डॉलरच्या तुलनेत रुपयाच्या कमजोरीमुळे भारतीयांचे अमेरिकेत जाण्याचे स्वप्न महागले आहे.

रिपोर्टनुसार, भारतात २३ लाख रुपयांमध्ये तुम्ही ज्या जीवनशैलीसह जगू शकता. यासाठी अमेरिकेत तुम्हाला ८० लाख रुपये खर्च करावे लागतील. म्हणजेच भारताच्या तुलनेत याच सुविधा अमेरिकेत चौपट महाग आहेत. रिपोर्टनुसार, तुम्ही अमेरिकेत जी वस्तू ५० डॉलर (जवळपास ४ हजार रुपये) मध्ये खरेदी करता. सध्या तुम्हाला हीच वस्तू भारतात सरासरी ११५० रुपयांना मिळत आहे. पण जर तुम्ही अमेरिकेत कमावलेले पैसे भारतात खर्च केले तर तुम्हाला पूर्वीपेक्षा जास्त फायदा होईल.

कॉफीची किंमत दुप्पट

जर आपण अमेरिकन शहर न्यूयॉर्क आणि भारतातील मुंबई शहरात विकल्या जाणार्‍या जीवनावश्यक वस्तूंच्या किमतींची तुलना केली तर मोठा फरक समोर येतो. मुंबईच्या तुलनेत अमेरिकेत कॉफी दुप्पट आणि तांदूळ आठपट महाग आहे. मुंबईत एका कप कॉफीची सरासरी किंमत २०३.१५ रुपये आहे. तर न्यूयॉर्कमध्ये कॉफीची किंमत ४३९.०६ रुपये आहे. म्हणजेच न्यूयॉर्कमधील कॉफी मुंबईच्या तुलनेत ११६ टक्क्यांनी महाग आहे. भारतात एका वाटीच्या तांदळाची किंमत ३१.३८ रुपये आहे. त्याच वेळी, अमेरिकेत तांदळाच्या एका वाटीची किंमत २९४.६८ रुपये आहे.

हेही वाचा – गाडी घेणाऱ्यांसाठी खुशखबर..! Scorpio आणि XUV ला टक्कर देण्यासाठी मार्केटमध्ये येतेय नवीन SUV

चित्रपट पाहण्याचा खर्च

न्यूयॉर्कमध्ये एक मैल प्रवास करण्यासाठी टॅक्सीला २४४ रुपये मोजावे लागतात. त्याच वेळी, भारतात इतक्या अंतरासाठी तुम्हाला ४०.२३ रुपये मोजावे लागतील. म्हणजेच अमेरिकेतील टॅक्सीचे भाडे भारताच्या तुलनेत ५०८ टक्के जास्त आहे. न्यूयॉर्कमध्ये चित्रपट पाहण्याची किंमत १४७०.३२ रुपये आहे, तर भारतात त्याची किंमत ३५० रुपये आहे. म्हणजेच भारतापेक्षा अमेरिकेत चित्रपट पाहण्यासाठी ३२० टक्के जास्त खर्च करावा लागतो.

महागाई दर

अमेरिकेत ऑक्टोबर महिन्यात महागाईचा दर ७.७ टक्क्यांवर आला आहे. यापूर्वी सप्टेंबर महिन्यात हा दर ८.२ टक्के होता. भारतातही ऑक्टोबर महिन्यात महागाई दरात घट झाली होती. तथापि, चलनवाढ अजूनही भारतीय रिझर्व्ह बँकेच्या निश्चित आकड्यापेक्षा वरच आहे.