Gold Silver Price Today In Marathi | सोन्याचा दर दिवसेंदिवस वाढत असून विक्रमी उच्चांक गाठला आहे. लग्नसराई व्यतिरिक्त सोन्याच्या दरात ही वाढ इतर कारणांमुळे होत आहे. सोन्याचा भाव 690 रुपयांनी वधारला आणि 65635 रुपये प्रति 10 ग्रॅमचा विक्रमी स्तर गाठला. सोन्याचा हा आतापर्यंतचा उच्चांक आहे. सराफा बाजारात सोन्याव्यतिरिक्त चांदीच्या दरातही तेजी दिसून येत आहे. सोन्याने 65000 ओलांडल्याने चांदीही 72000 पार करत आहे.
मार्च महिन्याच्या सुरुवातीपासून सोन्याच्या किमतीत मोठी वाढ होत आहे. 21 फेब्रुवारी रोजी 24 कॅरेट सोन्याचा दर 62226 रुपये प्रति 10 ग्रॅम होता. 29 फेब्रुवारीला त्याचा दर 62282 रुपये प्रति 10 ग्रॅमवर पोहोचला. पण 1 मार्च रोजी तो 62592 रुपयांवर उघडला आणि 62816 रुपये प्रति 10 ग्रॅमवर बंद झाला. 7 मार्च रोजी सोन्याचा दर 65049 रुपये प्रति 10 ग्रॅम होता. यानंतर सोमवारी सकाळी म्हणजेच 11 मार्चला सोन्याचा दर 65635 रुपयांवर पोहोचला. त्यानुसार अवघ्या 10 दिवसांत सोन्याच्या दरात सुमारे 3400 रुपयांनी वाढ झाली आहे.
24 कॅरेट सोने — 65635 रुपये प्रति 10 ग्रॅम
23 कॅरेट सोने — 65372 रुपये प्रति 10 ग्रॅम
22 कॅरेट सोने — 60122 रुपये प्रति 10 ग्रॅम
18 कॅरेट सोने — 49226 रुपये प्रति 10 ग्रॅम
चांदीची किंमत—72539 रुपये प्रति किलो
हेही वाचा – मुकेश अंबानींचे स्वस्त शेअर्स, किंमत 50 रुपयांपेक्षा कमी, जबरदस्त कमाई!
सोने का वाढत आहे?
सोन्याचा भाव 65635 रुपये प्रति 10 ग्रॅम या सार्वकालिक उच्चांकावर पोहोचला आहे. अमेरिकन फेडरल रिझव्र्हकडून चलनविषयक धोरणात बदल होण्याच्या अपेक्षेमुळे सोन्यात ही वाढ होत असल्याचे तज्ज्ञांचे म्हणणे आहे. रशिया आणि युक्रेनमध्ये सुरू असलेले युद्ध आणि इस्रायल आणि हमास यांच्यातील तणावाच्या पार्श्वभूमीवर जगभरातील केंद्रीय बँका सोन्याची खरेदी करत आहेत.
शेजारी देश चीन सध्या सर्वाधिक सोने खरेदी करत आहे. सोन्या-चांदीचे भाव पुढील काही दिवस चढेच राहण्याची शक्यता आहे. जर यूएस फेडने व्याजदरात कपात केली तर मेपर्यंत सोन्याचा दर 70 हजार रुपयांपर्यंत वाढू शकतो. त्याचप्रमाणे चांदीच्या दरातही वाढ होण्याची शक्यता आहे.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!