Gold Silver Price Today : सोने-चांदी खरेदी करणाऱ्यांसाठी एक आनंदाची बातमी आहे. भारतीय सराफा बाजारात आज (बुधवार) 28 जुलै 2023 रोजी सोने आणि चांदीच्या किमतीत घसरण नोंदवण्यात आली आहे. दहा ग्रॅम सोने 60,250 रुपयांवर स्वस्त झाले आहे. एक किलो चांदीच्या दरातही मोठी कपात झाली असून आता त्याची 76 हजार रुपयांवर विक्री होत आहे. एचडीएफसी सिक्युरिटीजने ही माहिती दिली आहे.
शुक्रवारी दिल्ली सराफा बाजारात सोन्याचा भाव 350 रुपयांनी घसरून 60,250 रुपये प्रति 10 ग्रॅम झाला. गेल्या ट्रेडिंग सत्रात सोन्याचा भाव 60,600 रुपये प्रति 10 ग्रॅमवर बंद झाला होता. त्याचप्रमाणे दिल्लीत चांदीचा भावही 1,900 रुपयांनी घसरून 76,000 रुपये प्रति किलो झाला आहे.
परदेशी बाजारात सोन्याची घसरण
परदेशी बाजारात सोने आणि चांदीचे भाव अनुक्रमे 1,951 डॉलर प्रति औंस आणि 24.15 डॉलर प्रति औंस या पातळीवर होते.
हेही वाचा – Staple Visa : ‘स्टेपल व्हिसा’ काय आहे? भारत-चीन संबंध का चिघळलेत?
मिस्ड कॉलद्वारे जाणून घ्या सोन्याचे दर
विशेष म्हणजे हे दर तुम्ही घरबसल्या सहज शोधू शकता. यासाठी तुम्हाला 8955664433 या नंबरवर मिस कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही नवीनतम दर पाहू शकता.
एप्रिल-जून तिमाहीत गोल्ड एक्सचेंज ट्रेडेड फंड म्हणजेच गोल्ड ईटीएफमध्ये 298 कोटी रुपयांची गुंतवणूक आली आहे. यापूर्वी, सलग 3 तिमाहीत गोल्ड ईटीएफमधून पैसे काढले जात होते. असोसिएशन ऑफ म्युच्युअल फंड्स इन इंडिया (Amfi) च्या डेटावरून असे दिसून येते की अहवाल तिमाहीत मालमत्ता बेस आणि गुंतवणूकदार खाती किंवा गोल्ड ETF च्या फोलिओमध्ये वाढ झाली आहे.
‘वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!