Thermometer On A Plane : जर तुम्ही कधी विमानात प्रवास केला असेल तर तुम्हाला माहीत असेल की प्रवासादरम्यान विमानात अनेक वस्तू घेऊन जाण्यास मनाई आहे. नियमानुसार, तुम्ही विमानात कोणतीही टोकदार वस्तू किंवा तीक्ष्ण वस्तू घेऊ शकत नाही. यासोबतच इतरही अनेक गोष्टी आहेत ज्या तुम्ही विमानात प्रवास करताना नेऊ शकत नाही. विमानात थर्मामीटर घेतल्याने काय होईल? त्याचा वापर ताप मोजण्यासाठी केला जातो, त्यामुळे कोणाला कोणता धोका होऊ शकतो? पण विमानात थर्मामीटरवर बंदी आहे.
विमानात थर्मामीटरवर बंदी
ज्यांनी थर्मामीटर वापरला आहे त्यांना हे माहीत असेल की ते काचेचे एक लहान साधन आहे ज्याद्वारे आपण ताप मोजतो. मात्र, विमानात बंदी घालण्यामागचे कारण त्यात असलेला पारा आहे. वास्तविक, तापाचे तापमान मोजण्यासाठी थर्मामीटरमध्ये पारा भरला जातो आणि त्याद्वारे तुम्हाला किती ताप आहे हे कळते. मात्र या पाऱ्यामुळे विमानात थर्मामीटरला बंदी आहे.
हेही वाचा – Mutual Fund : करोडपती होण्यासाठी कमीत कमी किती पेसै गुंतवावे लागतील?
पारा किती धोकादायक?
थर्मामीटरमध्ये असलेला पारा विमानासाठी अत्यंत धोकादायक मानला जातो. पारा हा एक धातू आहे जो द्रव स्वरूपात आढळतो आणि जर तो अॅल्युमिनियममध्ये मिसळला तर ते संपूर्ण अॅल्युमिनियम नष्ट करतो. विमानातील बहुतांश भाग या अॅल्युमिनियमचे बनलेले आहेत, त्यामुळे विमानात पाऱ्यावर बंदी घालण्यात आली आहे, कारण विमानात असलेल्या अॅल्युमिनियमवर पारा पडला तर प्रवाशांसह विमानाचे मोठे नुकसान होऊ शकते.
मनाई असूनही जर तुम्ही विमानात थर्मामीटर सोबत नेले तर तुमच्यावर कारवाई होऊ शकते. विमानात बसलेल्या प्रवाशांचा जीव धोक्यात घातल्यामुळे तुम्हाला अटक केली जाऊ शकते आणि चौकशीनंतर तुम्ही तुरुंगातही जाऊ शकता. यासोबतच तुमच्या हवाई प्रवासावरही आजीवन बंदी घातली जाऊ शकते. म्हणूनच विमानात प्रवास करताना चुकूनही थर्मामीटर किंवा पारा सोबत घेऊ नका.
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!