Zhang Yiming : असं म्हणतात की, चांगली केलेली एक गोष्ट तुमचे आयुष्य बदलू शकते. चीनच्या झांग यिमिंगच्या बाबतीतही असेच घडले. सध्या तो चीनमधील सर्वात श्रीमंत माणूस बनल्याचे वृत्त आहे. सर्वात प्रसिद्ध चेहरा, अलिबाबाचे सह-संस्थापक जॅक मा, टॉप ५ श्रीमंत व्यक्तींच्या यादीतून बाहेर पडले आहेत. झांग यिमिंग वयाच्या ४१ व्या वर्षी चीनमधील सर्वात श्रीमंत माणूस बनला आहे.
झांग यिमिंग टिकटॉकची मूळ कंपनी बाईटडान्सचा संस्थापक आहे. भारतात सध्या टिकटॉकवर बंदी आहे, पण जोपर्यंत ते चालू होते, तोपर्यंत त्याच्या चाहत्यांची कमतरता नव्हती. झांग यिमिंगची एकूण संपत्ती आता ४.७९ लाख कोटी रुपये (५७.५ अब्ज डॉलर्स) वर पोहोचली आहे. ब्लूमबर्ग बिलियनेअर्स इंडेक्सनुसार, या वर्षी आतापर्यंत त्याची संपत्ती १.१३ लाख कोटी रुपयांनी (१३.६ अब्ज डॉलर्स) वाढली आहे. जर आपण संपूर्ण जगाबद्दल बोललो तर तो २४ व्या क्रमांकाचा श्रीमंत माणूस आहेत.
चीनमधील टॉप ५ श्रीमंत व्यक्तींची यादी
झांग यिमिंगनंतर चीनमधील श्रीमंतांच्या यादीत अनेक मोठी नावे आहेत. दुसऱ्या स्थानावर टेन्सेंटचे सह-संस्थापक आणि सीईओ मा हुआतेंग आहेत, ज्यांची एकूण संपत्ती ₹४.७२ लाख कोटी ($५६.६ अब्ज) आहे. तिसऱ्या स्थानावर नोंगफू स्प्रिंगचे संस्थापक झोंग शानशान आहेत, ज्यांची एकूण संपत्ती ₹४.५१ लाख कोटी ($५४.१ अब्ज) आहे. त्यानंतर Xiaomi चे सीईओ लेई जुन (₹3.74 लाख कोटी) आणि Pinduoduo चे माजी सीईओ कोलिन हुआंग (₹3.60 लाख कोटी) यांचे नाव येते. अलिबाबाचे संस्थापक जॅक मा, जे एकेकाळी चीनमधील सर्वात श्रीमंत व्यक्ती होते, ते आता सहाव्या स्थानावर घसरले आहेत, त्यांची संपत्ती ₹३.३० लाख कोटी ($३९.६ अब्ज) आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!