Weekly Gold Price : सोन्याच्या दरात सातत्याने वाढ होत आहे. या आठवड्यातही सोन्याच्या दरात वाढ झाली आहे. सोन्याच्या दराने ५६ हजार प्रति १० ग्रॅमचा टप्पा पार केला आहे. शुक्रवार, १३ जानेवारी रोजी या आठवड्यातील शेवटच्या व्यवहाराच्या दिवशी सोन्याचा भाव ५६२५४ रुपये प्रति १० ग्रॅमवर बंद झाला. त्याच वेळी, गेल्या आठवड्याच्या शेवटच्या व्यवहाराच्या दिवशी सोन्याचा दर ५५५८४ रुपये प्रति १० ग्रॅमवर बंद झाला होता. संपूर्ण आठवडाभर सोन्याचा भाव ५६ हजार रुपये प्रति १० ग्रॅमच्या वर राहिला. सोन्याच्या दरात सातत्याने वाढ होत आहे. आज मकर संक्रातीला सोन्याचा नवीनतम दर ५६४६२ रुपये प्रति १० ग्रॅम आहे, जो सोन्याचा आतापर्यंतचा उच्चांक आहे.
या आठवड्यात सोन्याचा भाव
IBJA दरांनुसार, या आठवड्याच्या पहिल्या व्यवहाराच्या दिवशी सोमवारी सोन्याचा भाव ५६३६६ रुपये प्रति १० ग्रॅमवर बंद झाला होता. मंगळवारी, किमती किंचित घसरल्या आणि ५६१४८ रुपये प्रति १० ग्रॅमवर बंद झाल्या. बुधवारी सोन्याचा भाव ५६०८४ रुपये प्रति १० ग्रॅम होता. गुरुवारी भाव ५६११० रुपयांवर बंद झाले आणि शुक्रवारी ५६२५४ रुपयांवर बंद झाले.
हेही वाचा – बजेटपूर्वी आली गूड न्यूज..! सर्वसामान्यांना मिळणार दिलासा, वाचा नक्की झालं काय!
गेल्या आठवड्यातील शेवटच्या व्यवहाराच्या दिवशी शुक्रवारी सोन्याचा भाव ५५५८४ रुपये प्रति १० ग्रॅमवर बंद झाला होता. त्यानुसार या आठवड्यात सोने ६७० रुपये प्रति १० ग्रॅमने महागले आहे. या आठवड्यात सोमवारी सोने सर्वात महाग होते. या दिवशी भाव ५६३६६ रुपये प्रति १० ग्रॅमवर बंद झाले होते.
२४ कॅरेट सोन्याची किंमत
इंडियन बुलियन अँड ज्वेलर्स असोसिएशन (IBJA) नुसार, १३ जानेवारी रोजी २४ कॅरेट सोन्याचा भाव कमाल ५६४६२ रुपये होता. तर २२ कॅरेट सोन्याचा भाव ५६२३६ रुपये होता. सर्व प्रकारच्या सोन्याचे दर कर न लावता मोजले गेले आहेत.
सोन्यावरील जीएसटी चार्जेस वेगळे भरावे लागतात. याशिवाय दागिन्यांवर मेकिंग चार्जही आहे. इंडियन बुलियन ज्वेलर्स असोसिएशनने जाहीर केलेल्या किमती वेगवेगळ्या शुद्धतेच्या सोन्याच्या प्रमाणित किमतीची माहिती देतात.
२०२२ मध्ये बेस मेटल्सच्या किमतींमध्ये बरीच अस्थिरता होती. रशिया-युक्रेनमध्ये सुरू झालेल्या युद्धानंतर भारतात सोन्याच्या दरात घसरण नोंदवली गेली. मात्र दिवाळीनंतर भावात पुन्हा एकदा वाढ झाली आहे. गेल्या वर्षी ऑक्टोबरपासून सोन्याच्या दरात १२ टक्क्यांहून अधिक वाढ झाली आहे. जागतिक बाजारपेठेतही दर सातत्याने वाढत आहेत.