Viral Video : श्रीलंकेतील एक व्हिडिओ सध्या चर्चेचा विषय आहे. या व्हिडिओमध्ये एका व्यक्तीच्या मृतदेहाजवळ माकड बसले आहे. ज्या व्यक्तीच्या मृतदेहाजवळ तो बसला आहे त्याने याच माकडाला सांभाळले होते. सोशल मीडियावर व्हायरल होत असलेल्या क्लिपमध्ये माकड काही मिनिटे त्या व्यक्तीला उठवण्याचा प्रयत्न करत असल्याचे दिसत आहे. हा व्हिडीओ खरच हृदय हेलावून टाकणारा आणि भावूक करणारा आहे.
५६ वर्षीय पितांबरम राजन, श्रीलंकेतील बट्टिकालोआ येथील रहिवासी यांचे आजारपणामुळे १७ ऑक्टोबर रोजी निधन झाले. मित्र आणि जवळचे नातेवाईक त्यांना श्रद्धांजली वाहण्यासाठी त्यांचे पार्थिव घराबाहेर ठेवण्यात आले होते. जेव्हा लोक त्यांना श्रद्धांजली वाहण्यासाठी येत होते, त्याचवेळी हा माकड येऊन मृतदेहाजवळ जाऊन बसला. हे पाहून पीतांबरम यांच्या नातेवाईकांना आश्चर्य वाटले. पितांबरम राजन आणि हे माकड चांगले मित्र होते, असे नातेवाईकांना कळले.
हेही वाचा – खासदार नवनीत राणा यांना कोणत्याही क्षणी अटक? मुलुंड पोलिसांना आदेश
#viralvideo : Monkey seen at the funeral of a person, who is said to have fed it regularly, whenever it visited his residence in #Batticaloa #SriLanka
Primate is seen nudging the 'companion' who is lying motionless, to try and see if he would respond, but to no avail 😭💔 pic.twitter.com/5FJ1nzq9H5
— Sidharth.M.P (@sdhrthmp) October 19, 2022
माकड पितांबरम राजन यांच्या मृतदेहाजवळ बसला आणि त्याने तेथून हलण्यास स्पष्टपणे नकार दिला. त्यानंतर पीतांबरम श्वास घेत आहेत की नाही हे त्याने तपासले. हे प्रेम पाहून मित्र आणि नातेवाईक खूप भावूक झाले.