Viral Video Farmer Arrived In Audi To Sell Vegetables : एखाद्या शेतकऱ्याचे नाव घेताच जुने मळके कपडे घालून नांगर चालवणाऱ्या व्यक्तीचा फोटो डोळ्यासमोर येतो, मात्र आता ऑडीमध्ये बसून भाजी विकायला गेलेल्या शेतकऱ्याचा व्हिडिओ व्हायरल झाला आहे. या शेतकऱ्याचा व्हिडिओ सोशल मीडियावर मोठ्या प्रमाणात व्हायरल होत आहे. व्हिडिओ पाहिल्यानंतर सर्व शेतकऱ्यांची अशी प्रतिमा व्हावी, अशी लोकांची इच्छा आहे.
केरळमधील तरुण शेतकरी सुजित याने ‘व्हेरायटी फार्मर’ नावाच्या त्याच्या इन्स्टाग्राम अकाउंटवरून स्वतःचा एक व्हिडिओ शेअर केला आहे. ज्यामध्ये तो शेतात पालक कापताना दिसत आहे. शेतातून काढलेला भाजीपाला बाजारात विकण्यासाठी तो ऑडी कारमधून जाताना दिसतो. सुजीत बाजारात पोहोचताच, तो त्याचे बूट आणि कपडे काढतो, त्यानंतर तो रस्त्याच्या कडेला जमिनीवर आपले दुकान थाटतो.
हेही वाचा – पेट्रोल, डिझेलपासून भारताची सुटका होणार! बघा नितीन गडकरी काय म्हणाले?
व्हिडिओ शेअर करताना सुजीतने कॅप्शनमध्ये लिहिले की, “ऑडी कारमध्ये गेलो आणि पालक विकले.” व्हिडिओ पोस्ट होताच, तो तीन दिवसांत 6 हून अधिक मिलियन्स लोकांनी पाहिला आहे. अनेक नेटिझन्स या व्हिडिओला लाइक करत आहेत आणि त्यावर वेगवेगळ्या प्रतिक्रिया देत आहेत.
एकाने लिहिले, ‘ते कसे शेती करतात, कापणी करतात, पैसे कमवतात आणि कसे जगतात हे पाहून मला आनंद वाटतो.’ दुसऱ्याने लिहिले, ‘तुम्ही कष्ट केलेत तर तुम्हाला नक्कीच यश मिळते.’ एकाने लिहिले, ‘आमच्या सर्व शेतकऱ्यांना माझ्या शुभेच्छा आहेत. देश सुखी आणि समृद्ध होवो. शेतकऱ्यांची प्रतिमा बदलली पाहिजे.’
‘वाचा मराठी’चे व्हॉट्सॲप चॅनेल येथे फॉलो करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!