Vicky Kaushal Chhaava Teaser : रक्षाबंधनाच्या निमित्ताने विक्की कौशलने त्याच्या चाहत्यांना एक मोठी ट्रीट दिली आहे. त्याच्या आगामी ‘छावा’ चित्रपटाचा दमदार टीझर रिलीज झाला आहे. या चित्रपटात विक्कीसोबत रश्मिका मंधाना दिसणार आहे. छत्रपती संभाजी महाराजांच्या शौर्याची कहाणी दाखवणारा हा चित्रपट 6 डिसेंबर 2024 रोजी प्रदर्शित होणार आहे.
छावा चित्रपटाच्या टीझरमध्ये विकी जबरदस्त युद्धाचे सीन करताना दिसत आहे. टीझरची सुरुवात छत्रपती संभाजी महाराजांच्या परिचयाने होते. विक्की संभाजी महाराजांची भूमिका साकारत आहे. तो एका शूर सैनिकाप्रमाणे लढताना दिसला. हजारो सैनिकांविरुद्ध तो सिंहासारखा एकटाच लढत आहे. रक्ताने माखलेला विकी त्याच्या शत्रूंवर हल्ला करताना पाहून तुमचे डोळे पाणावतील.
ॲक्शनप्रमाणेच विक्कीचा लूकही दमदार आहे. विकीला अशा अवतारात तुम्ही याआधी कधीच पाहिले नसेल. टीझर पाहिल्यानंतर सेलिब्रिटींनीही कौतुक केले आहे.
चित्रपटात रश्मिका मंधाना छत्रपती संभाजी महाराजांच्या पत्नी येसूबाई भोसले यांची भूमिका साकारणार आहे. टीझरमध्ये रश्मिका दिसत नाही. या चित्रपटाचे दिग्दर्शन लक्ष्मण उतेकर यांनी केले आहे. याआधी लक्ष्मण यांनी मिमी, लुका छुपी सारखे चित्रपट केले आहेत.
छावा चित्रपट हा छत्रपती संभाजी महाराजांचा जीवन दाखवणारा ऐतिहासिक चित्रपट आहे. संभाजी महाराज शिवाजी महाराजांचे ज्येष्ठ पुत्र होते. या चित्रपटात अक्षय खन्ना, आशुतोष राणा, दिव्या दत्ता यांच्याही महत्त्वाच्या भूमिकेत दिसणार आहे.
विक्कीने त्याच्या आतापर्यंतच्या कारकिर्दीत अनेक चांगल्या भूमिका साकारल्या आहेत. प्रत्येक भूमिकेशी तो सहज जुळवून घेतो. सॅम बहादूर किंवा सरदार उधम चित्रपट असो, विक्कीच्या अष्टपैलुत्वावर चाहत्यांना शंका नाही. ‘छावा’ या चित्रपटाकडून चाहत्यांना मोठ्या अपेक्षा आहेत.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!