Electric Bike : वेगाने वाढणाऱ्या पेट्रोल डिझेलच्या दरांमध्ये आता मायलेज देणाऱ्या बाइक्सही फेल होताना दिसत आहेत. अशा परिस्थितीत, लोकांचे लक्ष आता इलेक्ट्रिक वाहनांकडे वाढले आहे आणि त्यांच्या विक्रीत बरीच वाढ झाली आहे. पेट्रोलच्या दरात झालेल्या प्रचंड वाढीमुळे मोटरसायकलप्रेमींची सर्वाधिक निराशा झाली आहे. यानंतर बहुतेक लोक इलेक्ट्रिक स्कूटरकडे वळले. पण आता अशी मस्त मोटरसायकल बाजारात दाखल झाली आहे जी म्हणायला एक इलेक्ट्रिक बाइक आहे पण तिचे फीचर्स हे कोणत्याही हाय परफॉर्मन्स स्पोर्ट्स बाईकपेक्षा कमी नाही.
ही मोटरसायकल अल्ट्राव्हायोलेट F77 (Ultraviolette F77) आहे. कंपनीने या ई-बाईकची डिलिव्हरीही सुरू केली आहे. F77 ही हाय परफॉर्मन्स स्पोर्ट्स ई-बाईक असून कंपनीने तिचे तीन प्रकार बाजारात लॉन्च केले आहेत. या मोटरसायकलची खास गोष्ट म्हणजे त्यांची रेंज एअरस्ट्राइक आणि शॅडोमध्ये २०६ किमी आणि लेझरमध्ये ३०७ किमी आहे.
The much awaited Ultraviolette F77 is finally HERE! 🔥
Here’s what the Bengaluru-based performance motorcycle manufacturer is offering on the F77.
Launched today at a starting price of Rs. 3.8L for the base variant, Rs. 4.55L for the Recon and Rs. 5.5L for LIMITED. pic.twitter.com/2ho1FiIY5g— PowerDrift (@PowerDrift) November 24, 2022
हेही वाचा – Weight Loss : भात खाल्ल्यानं वजन वाढतं का? जाणून घ्या तुमच्या प्रश्नाचं सोपं उत्तर!
जरी या ई-बाईकची किंमत सामान्य मोटरसायकलपेक्षा थोडी जास्त आहे आणि ती ३.८ लाख रुपयांच्या एक्स-शोरूम किमतीत उपलब्ध आहे. आता तुम्ही ही मोटरसायकल EMI वर सहज घेऊ शकता. आता F77 वर बँकेकडून सहज कर्ज मिळत आहे. ९ टक्के व्याजदराने ५ वर्षांसाठी कर्ज घेतल्यावर तुम्हाला सुमारे १०००० रुपये EMI भरावा लागेल. कंपनीच्या वेबसाइटवर तुम्ही सहजपणे मोटरसायकल बुक करू शकता. बुक करण्यासाठी, तुम्हाला फक्त १०००० रुपये बुकिंग रक्कम भरावी लागेल.
Made in India, for the World.
Happy Republic Day – 2023.#Ultraviolette #F77 #RepublicDay #26january #MakeInIndia @dulQuer pic.twitter.com/0om00IkOXA— Narayan_uv (@Narayan_UV) January 26, 2023
फीचर्स
F77 त्याच्या कूल नेकेड लूकमुळे लोकांमध्ये खूप लोकप्रिय होत आहे. त्याच वेळी, कंपनीने यात उत्कृष्ट वैशिष्ट्ये देखील दिली आहेत. सर्व LED लाइटिंग, संपूर्ण रायडर माहितीसह TFT डिस्प्ले, मागील बाजूस अॅडजस्टेबल मोनोशॉकसह फ्रंट अपसाइड डाउन सस्पेंशन यांसारखी वैशिष्ट्ये मोटरसायकलमध्ये देण्यात आली आहेत. मोटरसायकलच्या टॉप स्पीडबद्दल सांगायचे तर ते १३० किमी आहे. तुम्हाला फास्ट चार्जिंगचा पर्यायही मिळेल. ज्याद्वारे तुम्ही ते फक्त २ तासात पूर्णपणे चार्ज करू शकता.
बंगळुरूस्थित कंपनी अल्ट्राव्हायोलेट F77 नंतर आता F99 मॉडेलवर काम करत आहे. कंपनी लवकरच त्याची बुकिंगही सुरू करणार आहे. कंपनी देशभरात आपले डीलर नेटवर्क देखील तयार करत आहे, त्यानंतर त्याच्या खरेदी आणि सेवेबाबत कोणतीही अडचण येणार नाही.