Toyota Rumion : सुझुकी आणि टोयोटा एकमेकांशी करारानुसार त्यांचे वाहन प्लॅटफॉर्म सतत शेअर करत आहेत. अलीकडेच मारुती सुझुकीने आपली सर्वात महागडी कार मारुती इन्व्हिक्टो लाँच केली, जी टोयोटाच्या इनोव्हा हायक्रॉसवर आधारित आहे. आता टोयोटा एक परवडणारी 7-सीटर एमपीव्ही कार देखील लॉन्च करणार आहे, जी मारुती सुझुकीच्या प्रसिद्ध मॉडेल एर्टिगावर आधारित असेल. असे सांगण्यात येत आहे की कंपनीने या आगामी कारचे नाव टोयोटा रुमिओन ठेवले आहे आणि सप्टेंबर महिन्यात विक्रीसाठी लॉन्च केली जाईल.
Autocar च्या रिपोर्टनुसार, Toyota आपली नवीन MPV Rumion बाजारात आणण्याच्या तयारीत आहे. टोयोटा आधीच दक्षिण आफ्रिकेसारख्या जागतिक बाजारपेठेत रुमिओनची विक्री करते. ज्याचा पुरवठा मारुती सुझुकीने केला आहे, आता ती भारतीय बाजारपेठेतही लॉन्च करण्याची योजना आहे.
Confirmed! #Toyota will introduce the Maruti Ertiga-based Rumion MPV in India around September this year.
✅Will be Toyota’s fourth MPV in India, in a line-up which includes Innova Crysta, Innova Hycross & Vellfire.
✅Expected to come with petrol initially, could get CNG later. pic.twitter.com/B6iP9iAifW— 91Wheels.com (@91wheels) July 7, 2023
Toyota Rumion लाँच केल्यानंतर भारतीय बाजारात टोयोटाची ही चौथी MPV असेल. आत्तापर्यंत कंपनी इनोव्हा क्रिस्टा, इनोव्हा हायक्रॉस आणि वेलफायर सारखी मॉडेल्स विकते. कंपनीने ऑक्टोबर 2021 मध्ये दक्षिण आफ्रिकेच्या बाजारपेठेत ही MPV सादर केली आणि त्याच वेळी ही नेमप्लेट भारतातही ट्रेडमार्क केली. टोयोटाची ही सर्वात स्वस्त एमपीव्ही असेल.
हेही वाचा – VIDEO : मोबाईलच्या दुकानात ऑफर, फोन घेतल्यास फ्री मिळतील 2 किलो टोमॅटो!
कशी असेल Rumion?
Maruti Suzuki Ertiga वर आधारित या MPV मध्ये, कंपनी मोठे बदल करून त्याचा लुक आणि डिझाइन वेगळे करू शकते. जागतिक बाजारपेठेत उपलब्ध असलेले मॉडेल बहुतांशी Ertiga सारखेच असले तरी ते येथील बाजारपेठेत नव्या रूपात सादर केले जाईल. जागतिक बाजारपेठेत विकल्या जाणार्‍या मॉडेलला सर्व काळ्या इंटीरियर्स मिळतात तर इथल्या Ertiga ला बेज रंगाचे इंटीरियर मिळतात. हेच केबिन Rumion मध्ये देखील दिसू शकते.
या कारमध्ये 1.5-लिटर क्षमतेचे पेट्रोल इंजिन वापरले जाईल, जे 103hp पॉवर आणि 137Nm टॉर्क जनरेट करते. हे इंजिन 5-स्पीड मॅन्युअल आणि 6-स्पीड टॉर्क कन्व्हर्टर ऑटोमॅटिक गिअरबॉक्सशी जोडलेले आहे. हे नंतर टोयोटा ही कार सीएनजी प्रकारात सादर करेल, सध्या ती फक्त पेट्रोल इंजिनसह बाजारात लॉन्च केली जाईल. आता टोयोटा या कारची किंमत काय ठरवते हे पाहणे उत्सुकतेचे ठरेल. Toyota Rumion ची एक्स-शोरूम किंमत 8.99 लाख ते 13.49 लाख रुपयांच्या दरम्यान असण्याची शक्यता आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!