Top 5 Upcoming CNG Cars : गेल्या काही वर्षांत सीएनजी कारच्या विक्रीत वाढ झाली आहे. हे लक्षात घेऊन कार उत्पादक आगामी काळात त्यांच्या अनेक विद्यमान पेट्रोल मॉडेल्सच्या सीएनजी व्हर्जन लॉन्च करण्याचा विचार करत आहेत. सीएनजीवरील कार पेट्रोलपेक्षा जास्त मायलेज देतात आणि त्याच वेळी प्रदूषण कमी करतात. त्यामुळे ज्यांना जास्त मायलेज हवे आहे त्यांच्यासाठी या नवीन सीएनजी कार एक चांगला पर्याय ठरू शकतात.
मारुती ब्रेझा CNG
मारुतीची सबकॉम्पॅक्ट एसयूव्ही ब्रेझा नुकतीच सीएनजी किटसह दिसली. हे काही डीलर यार्डमध्ये दिसले, जे सुचवते की ते २०२३ च्या सुरुवातीलाच सादर केले जाऊ शकते. सीएनजी पर्यायासह येणारी ही मारुतीची पहिली एसयूव्ही असेल.
टोयोटा हायरायडर CNG
टोयोटाने आधीच आपली नवीन हायरायडर कॉम्पॅक्ट एसयूव्ही सीएनजी किटसह आणण्याची पुष्टी केली आहे. त्याचे बुकिंगही सुरू आहे. हे मारुती-स्रोत, १.५-लिटर, मिड-स्पेक G आणि S ट्रिम्समध्ये पेट्रोल माइल्ड-हायब्रिड पॉवरट्रेनसह येईल.
हेही वाचा – नंबर प्लेटसाठी कापले जाणार १०,००० रुपये..! १ जानेवारीपासून ‘हा’ नियम लागू; तुम्हाला माहितीये?
मारुती ग्रँड विटारा CNG
टोयोटा हायरायडर सीएनजीच्या पावलावर पाऊल ठेवत, मारुती ग्रँड विटाराचा सीएनजी प्रकार देखील आणला जाऊ शकतो कारण या दोन्ही कॉम्पॅक्ट एसयूव्ही समान प्लॅटफॉर्म आणि पॉवरट्रेनने सज्ज आहे.
टाटा अल्ट्रोझ CNG
सीएनजी कार स्पेसमध्ये आपले स्थान आणखी मजबूत करण्यासाठी, टाटा आपली सीएनजी लाइनअप वाढवण्याची योजना करत आहे. याअंतर्गत टाटा अल्ट्रोझ सीएनजी आणणार आहे. हे चाचणी दरम्यान देखील दिसून आले आहे.
टाटा पंच CNG
टाटा पंचचे सीएनजी न्हर्जन येऊ शकते. पंच मायक्रो-एसयूव्ही ही सध्या नेक्सॉन नंतर सर्वात जास्त विक्री होणारी दुसरी कार आहे. हे १.२-लीटर पेट्रोल इंजिनसह येते. हेच इंजिन Tiago आणि Tigor ला देखील शक्ती देते, जे आधीपासूनच CNG पर्यायासह उपलब्ध आहेत.
