Businessman Sohan Roy : आपल्यापैकी बरेच जण सकाळी 9 ते संध्याकाळी 6 या रोजच्या कामावर समाधानी नसतात. कंपनीसाठी केलेल्या मेहनतीनंतरही त्यांना योग्य पगार किंवा बोनस मिळत नाही, असे अनेकांना वाटते. अनेकांना असे वाटते की कंपनीचे मालक किंवा अधिकारी केवळ त्यांचे रक्त शोषण्यासाठी आहेत. पण, शारजाह, संयुक्त अरब अमिराती येथील एरीज (Aries) ग्रुप ऑफ कंपनीजबद्दल जाणून घेतल्यावर तुमचे मत नक्कीच बदलू शकते, ज्याने आपल्या कर्मचाऱ्यांना 30 कोटींची भेट दिली आहे.
कंपनी सुरू करण्याच्या 25 व्या वर्धापनदिनानिमित्त, एरीज ग्रुप ऑफ कंपनीजचे मालक सोहन रॉय यांनी त्यांच्या कर्मचार्‍यांना 30 कोटी रुपयांचे बक्षीस वितरित केले आणि वेतनवाढीची घोषणाही केली. कर्मचाऱ्यांसोबतच त्यांचे पालक, पती-पत्नी आणि मुलांनाही भेटवस्तू देण्यात आल्या. कंपनीने याला ‘सिल्व्हर ज्युबिली गिफ्ट’ असे संबोधले आहे.
या कंपनीचे मुख्यालय शारजाह, संयुक्त अरब अमिराती येथे आहे. त्याचे मालक सोहन रॉय आधी एक सागरी अभियंता होते, नंतर व्यवसायाच्या जगात प्रवेश केला आणि त्याच वेळी चित्रपट बनवले.
Meet #SohanRoy, CEO who surprised his employees with huge Rs 30,00,00,000 reward Check his massive business empire…
READ here!https://t.co/udM160Kc2W …
— DNA (@dna) May 22, 2023
सोहन रॉय म्हणतात, ‘आमच्या कंपनीला 25 वर्षे पूर्ण होत आहेत. आमच्या कर्मचार्‍यांचे समर्पण आणि त्यांच्या कुटुंबीयांच्या योगदानाबद्दल आम्ही कृतज्ञ आहोत, ज्यांनी आम्हाला सर्व प्रकारे पाठिंबा दिला आहे.
गल्फ न्यूजशी बोलताना सोहन रॉय म्हणाले की, ही भेट त्यांच्या कर्मचार्‍यांचे आभार मानण्याचा एक मार्ग आहे. ते म्हणतात, ‘आम्हाला वाटते की कंपनीचे यश हे तेथील लोक किती समाधानी आहेत यावर अवलंबून असते. आम्हाला विश्वास आहे की या उपक्रमामुळे कर्मचारी आणि त्यांच्या कुटुंबातील बंध अधिक दृढ होतील आणि एरिज ग्रुप कुटुंबाचा सदस्य असण्याचा अभिमान वाढेल.’
हेही वाचा – श्रीमंत लोक गुपचूप ‘हे’ काम करतात आणि पैसा कमवतात! तुम्हाला माहितीये?
रॉय यांच्या म्हणण्यानुसार, कंपनीने किमान पाच वर्षे सतत कंपनीत काम करणाऱ्या कर्मचाऱ्यांच्या कुटुंबीयांना बक्षीस देण्याची व्यवस्था केली आहे.
सोहन रॉय हे Aries ग्रुप ऑफ कंपनीजचे संस्थापक, अध्यक्ष आणि CEO आहेत. सागरी अभियंता म्हणून कारकीर्द सुरू केल्यानंतर त्यांनी 1998 मध्ये एरिज मरीन अँड इंजिनिअरिंग सर्व्हिसेस सुरू केली. व्यवसायासोबतच, ते चित्रपट निर्मितीमध्येही गुंतलेले आहेत आणि त्यांनी मल्याळम अभिनेता मोहनलाल यांचे विस्मय मॅक्स स्टुडिओ कॉम्प्लेक्स विकत घेतले.
एरिज ग्रुप ऑफ कंपनीजचा व्यवसाय 25 देशांमध्ये पसरलेला आहे आणि 2200 हून अधिक कर्मचारी काम करतात. फोर्ब्सने कंपनीचे मालक सोहन रॉय यांना 2015 ते 2019 या कालावधीत सलग चार वेळा अब्जाधीश भारतीय उद्योगपतींच्या यादीत स्थान दिले होते.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!