Upcoming CNG Cars In India : डिझेल कार भारतात टप्प्याटप्प्याने बंद केल्या जात आहेत. इलेक्ट्रिक कार अजूनही परवडणाऱ्या नाहीत. अशा परिस्थितीत, CNG सुसज्ज कार कोणत्याही विभागातील खरेदीदारांसाठी पसंतीचा पर्याय बनला आहे. एप्रिलपासून लागू होणार्‍या बीएस ६ स्टेप २ नॉर्म्स लागू झाल्यानंतर, आणखी डिझेल कार टप्प्याटप्प्याने बंद होतील. जरी आपल्याला काळजी करण्याची आवश्यकता नाही. भारतीय बाजारपेठेत ३ स्वस्त SUV CNG पर्यायासह येणार आहेत.
मारुती फ्रॉन्क्स CNG
मारुती सुझुकी एप्रिलमध्ये Fronx कॉम्पॅक्ट SUV लाँच करणार आहे. त्याचे CNG व्हेरिएंट देखील मिळू शकते. Fronx CNG १.२ लिटर पेट्रोल इंजिनसह उपलब्ध असण्याची अपेक्षा आहे जे पेट्रोल मोडमध्ये ९० hp आणि ११३ Nm आणि CNG मोडमध्ये ७७ hp आणि ९८.५ Nm विकसित करते. हे केवळ पाच-स्पीड मॅन्युअल ट्रान्समिशनशी जोडले जाऊ शकते. CNG व्हेरिएंटमध्ये येणारी ही नेक्साची चौथी कार असेल. किंमतीबद्दल बोलायचे झाले तर, हे त्याच्या पेट्रोल मॉडेलपेक्षा सुमारे १ लाख रुपये महाग असू शकते.
मारुती सुझुकी ब्रेझा CNG
मारुती ब्रेझा ही देशातील सर्वाधिक विक्री होणाऱ्या कारपैकी एक आहे. मारुती सुझुकीचा Brezza लवकरच CNG अवतारात विक्रीसाठी उपलब्ध होणार आहे. हे २०२३ऑटो एक्सपोमध्ये सादर करण्यात आले होते. हे १.५-लिटर चार-सिलेंडर पेट्रोल इंजिन वापरेल आणि केवळ ५-स्पीड मॅन्युअल ट्रान्समिशनसह उपलब्ध असेल. ही अनेक व्हेरिएंटमध्ये सादर केली जाईल अशी अपेक्षा आहे.
हेही वाचा – NEFT आणि RTGS मध्ये बदल..! रिझर्व्ह बँकेनं उचललं मोठं पाऊल; द्यावी लागणार ‘ही’ माहिती!
टाटा पंच CNG
टाटा पंच CNG गेल्या महिन्यात २०२३ ऑटो एक्स्पोमध्ये प्रदर्शित करण्यात आला होता. हे फक्त २०२३ मध्ये लॉन्च केले जाईल. पंच CNG १.२ -लिटर पेट्रोल इंजिन आणि पाच-स्पीड मॅन्युअल ट्रान्समिशनद्वारे समर्थित असेल. सर्वात मोठे वैशिष्ट्य म्हणजे यात ट्विन सिलेंडर तंत्रज्ञान देण्यात आले आहे. यामध्ये ६० लिटरची CNGटाकी दोन भागात विभागली आहे. कारमधील बूट स्पेस राखण्यासाठी हे केले गेले आहे. कंपनीने बूट फ्लोअरच्या खाली सुटे चाक ठेवले आहे.