Shah Rukh Khan’s Pathaan Teaser : शाहरुख खानचा बहुप्रतिक्षित ‘पठाण’ या चित्रपटाची चाहते आतुरतेने वाट पाहत आहेत. मात्र वाढदिवसाच्या खास निमित्त किंग खानने चाहत्यांना पठाणची झलक दाखवून मोठी ट्रीट दिली आहे. आज २ नोव्हेंबरला शाहरुख खानच्या वाढदिवसाच्या खास निमित्त पठाणचा टीझर रिलीज करण्यात आला आहे.
शाहरुख खानने त्याच्या सोशल मीडिया हँडलवर पठाणचा टीझर शेअर केला आहे. शाहरुखने कॅप्शनमध्ये लिहिले, ”तुमच्या खुर्चीचा बेल्ट बांधा. पठाणचा टीझर आऊट झाला आहे.” २५ जानेवारी २०२३ पासून तुम्ही पठाण मोठ्या पडद्यावर साजरा करू शकाल. हा चित्रपट हिंदी, तमिळ आणि तेलगू भाषेत प्रदर्शित होत आहे.
हेही वाचा – चालत्या ट्रेनमधून मुलासोबत पडली आई..! RPF जवानांनी वाचवले प्राण; Video व्हायरल
शाहरुख खानच्या पठाणचा टीझर अॅक्शन, रोमान्स आणि मनोरंजनाने परिपूर्ण आहे. पठाणच्या टीझरमध्ये शाहरुख खान फुल ऑन अॅक्शन मोडमध्ये दिसत आहे. शाहरुखचा धडाकेबाज लूक पाहून चाहते थक्क झाले आहेत. पठाणच्या टीझरवरून हे स्पष्ट झाले आहे की, या चित्रपटात शाहरुख चाहत्यांना एक मोठे सरप्राईज देणार आहे, कारण तुम्ही शाहरुखचे अनेक वेगवेगळे रूप पडद्यावर पाहिले असेल, पण इतका भयानक लूक कधीच पाहिला नसेल.
दीपिकासोबत शाहरुखचा रोमान्स
टीझरमधील दीपिका पदुकोणची किलर स्टाईलही पाहण्यासारखी आहे. शाहरुख आणि दीपिकाच्या केमिस्ट्रीची एक हलकीशी झलक टीझरमध्ये दाखवण्यात आली आहे. मात्र अवघ्या काही सेकंदातच दोघांच्या सिझलिंग केमिस्ट्रीने चाहत्यांच्या हृदयाचे ठोके वाढवले आहेत. दोघांमधील उत्कट प्रणय अप्रतिम आहे. दुसरीकडे, जॉन अब्राहम देखील टीझरमध्ये पूर्णपणे वेगळा दिसत आहे. शाहरुख रागीट लूकमध्ये दिसला, तर जॉनचा शांत स्वभाव टीझरमध्ये भावनांना संतुलित करत आहे.