सुकन्या समृद्धी योजनेत पैसे लावणाऱ्याची चांदी..! मिळणार ६५ लाख; लग्न, शिक्षणासाठी करा खर्च!

Sukanya Samriddhi Yojana 2023 : सरकार वेळोवेळी लोकांच्या सोयीसाठी अशा योजना करत असते, जिथे तुमचा पैसा सुरक्षित राहतो आणि तुम्हाला उत्कृष्ट परतावा मिळतो. तुमच्या मुलीच्या शिक्षण आणि लग्नाच्या चिंतेतून तुम्ही पूर्णपणे मुक्त व्हावे, यासाठी सरकारने तुमच्या मुलीसाठी योजना लागू केली आहे. सुकन्या समृद्धी योजना असे या योजनेचे नाव आहे. या योजनेत तुम्हाला फक्त २५० रुपयांच्या गुंतवणुकीवर ६५ लाख रुपये मिळतील. या प्लॅनमध्ये तुम्हाला कंपाउंडिंगचा फायदाही मिळतो. जाणून घ्या या योजनेबद्दल….

सुकन्या समृद्धी योजना काय आहे?

सुकन्या समृद्धी योजना ही सरकारने बनवलेली योजना आहे, ही योजना खास तुमच्या लाडक्या मुलीसाठी तयार करण्यात आली आहे, ज्यामध्ये तुम्ही तुमच्या मुलीचे भविष्य सुरक्षित करू शकता, या योजनेत तुम्ही अल्प रकमेमध्ये खाते उघडू शकता, या योजनेत तुम्ही खाते उघडून तुम्ही तुमच्या मुलीच्या नावे थोडे थोडे पैसे जमा करू शकता.

कोण अर्ज करू शकतो?

सुकन्या समृद्धी योजनेत, १० वर्षांपेक्षा कमी वयाच्या मुलीचे खाते तिचे पालक उघडू शकतात. यामध्ये तुम्ही फक्त २५० रुपयांच्या गुंतवणुकीने खाते उघडू शकता. तुम्ही कोणत्याही बँकेत किंवा पोस्ट ऑफिसमध्ये खाते उघडू शकता. यामध्ये तुम्हाला ७.६ टक्के दराने व्याज मिळते. मुलीच्या नावाने फक्त एकच खाते उघडता येते. एका कुटुंबात फक्त २ मुलींची खाती उघडली जाऊ शकतात, जुळ्या/तिहेरी मुलींसाठी २ पेक्षा जास्त खाती उघडली जाऊ शकतात.

हेही वाचा – Share Market : ‘हा’ आहे भारतातील सर्वात महाग शेअर..! एकेकाळी किमंत होती ११ रुपये; आता आहे…

किती व्याज मिळते?

सुकन्या समृद्धी योजनेवर मिळणारे व्याज सरकार ठरवते. यामध्ये तुम्हाला ७.६ टक्के व्याज मिळते. या योजनेत तुम्ही कमाल १.५०लाख रुपये जमा करू शकता. मुलगी १८ वर्षे पूर्ण झाल्यावर किंवा १०वी उत्तीर्ण झाल्यावरच तुम्ही खात्यातून पैसे काढू शकता. यामध्ये तुम्हाला आयकरातही सूट मिळते.

८५ लाख रुपये कसे मिळतील?

जर तुम्ही या योजनेत दररोज २५० रुपये गुंतवले तर तुम्ही एका महिन्यात १२५०० रुपये जमा करता आणि एका वर्षात तुम्ही २२.५० लाख रुपये गुंतवता. १५ वर्षांनंतर म्हणजेच तुमच्या मुलीच्या मॅच्युरिटीच्या २१ व्या वर्षी तुम्हाला ६५ लाख रुपये मिळतील. यामध्ये तुम्हाला सुमारे ४१.१५ लाख रुपयांचे व्याज मिळेल.

सुकन्या समृद्धी योजनेसाठी आवश्यक कागदपत्रे

• आई आणि वडिलांचे ओळखपत्र
• मुलीचे आधार कार्ड
• मुलीच्या नावाने उघडलेले बँक खाते पासबुक
• मुलीचा पासपोर्ट आकाराचा फोटो
• मोबाईल क्रमांक