SpiceJet Republic Day Sale : जर तुम्हाला ट्रेन,बसने प्रवास करण्याचा कंटाळा आला असेल आणि तुम्हाला विमानाने प्रवास करायचा असेल तर ट्रेन तिकीटाच्या किंमतीत विमानप्रवास करू शकता. अजिबात आश्चर्य वाटण्याची गरज नाही, हे शक्य आहे. एअरलाइन कंपनी स्पाइस जेटने प्रजासत्ताक दिनानिमित्त एक खास ऑफर आणली आहे. या खास ऑफरमध्ये तुम्ही फक्त रु.११२६ मध्ये हवाई तिकीट बुक करू शकता.
स्पाइस जेटने वर्षातील सर्वात स्वस्त विमान तिकिटांची घोषणा केली आहे. या ऑफर अंतर्गत बुक केलेल्या तिकिटांवर तुम्ही २४ जानेवारी २०२३ ते ३० सप्टेंबर २०२३ पर्यंत प्रवास करू शकता.
तिकीट बुकिंग आणि प्रवास अटी
स्पाइसजेटने आपल्या ट्विटर हँडलवर लिहिले की, आता तुम्ही केवळ ११२६ रुपयांमध्ये देशांतर्गत विमान प्रवास करू शकता. ही ऑफर २४ ते २९ जानेवारी २०२३ पर्यंत सुरू राहणार असून या काळात तुम्हाला तिकीट बुक करावे लागेल. त्याच वेळी, या ऑफर अंतर्गत बुक केलेल्या तिकिटावर तुम्ही २४ जानेवारी २०२३ ते ३० सप्टेंबर २०२३ पर्यंत प्रवास करू शकता.
Celebrate the spirit of Republic Day with SpiceJet's 26 January Sale! Enjoy up to 26% off on domestic flights with airfares starting at ₹1126. Plus, get an exclusive 26% discount on convenience fees and select add-ons.
(1/2) pic.twitter.com/Ox9PR7I89t
— SpiceJet (@flyspicejet) January 24, 2023
हेही वाचा – Bank Holidays : फेब्रुवारीत १० दिवस बँका बंद..! रिझर्व्ह बँकेची माहिती; वाचा सुट्टयांची लिस्ट!
एअरलाइननुसार, ही विक्री सर्व स्पाइस जेट शहरातील कार्यालये, विमानतळ कार्यालये, वेबसाइट, मोबाइल अॅप आणि ट्रॅव्हल एजंट्सद्वारे उपलब्ध असेल. तसेच, प्रथम येणाऱ्यास प्रथम सेवा तत्त्वावर भाडे उपलब्ध असेल.
यापूर्वी टाटा समूहाच्या एअर इंडियानेही प्रजासत्ताक दिनानिमित्त विक्री आणली होती. मात्र, ही ऑफर २३ जानेवारीला संपली. एअर इंडियाने प्रजासत्ताक दिनाच्या सेलमध्ये देशांतर्गत विमान प्रवासाच्या तिकिटांवर मोठ्या प्रमाणात सूट दिली होती. या सेलमध्ये तुम्ही फक्त १७०५ रुपयांमध्ये फ्लाइट तिकीट बुक करू शकता. आम्ही तुम्हाला सांगतो की दरवर्षी एअरलाइन कंपन्या खास प्रसंगी अशा ऑफर आणतात. त्याच वेळी, स्पाईस जेटनंतर, काही इतर विमान कंपन्या देखील ग्राहकांना सर्वोत्तम ऑफर देऊ शकतात अशी अपेक्षा आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!