Shraddha Murder Case : दिल्लीच्या मेहरौलीमध्ये आपल्या लिव्ह-इन-पार्टनर श्रद्धाची हत्या करून तिच्या शरीराचे ३५ तुकडे केल्याचा आरोप असलेल्या आफताबची कहाणी तर सर्वश्रुत आहेच, पण तो किती मोठा भ्रष्ट होता याचा पुरावाही समोर आला आहे. श्रद्धा खून प्रकरणाशी संबंधित पोलिस तपासात असे समोर आले आहे की, आफताब प्रत्येक वेळी नवीन सिम घेऊन डेटिंग अॅपवर नवीन अकाऊंट तयार करायचा आणि त्याद्वारे वेगवेगळ्या मुलींशी मैत्री करायचा आणि नंतर त्यांना आपल्या रुममध्ये बोलावायचा. दिल्ली पोलीस आता त्याच्या अकाऊंट मधून त्याची काळी कुंडली तपासण्यात व्यस्त आहेत. दरम्यान, श्रद्धाचे वडील विकास यांनी श्रद्धाच्या मारेकऱ्याला फाशीची शिक्षा देण्याची मागणी केली आहे.
पोलीस सूत्रांवर विश्वास ठेवायचा झाल्यास, आफताब प्रत्येक वेळी नवीन सिम घेऊन डेटिंग अॅपवर अकाऊंट तयार करायचा आणि मुलींशी मैत्री करायचा आणि त्यांना खोलीत बोलावायचा. श्रद्धा वॉकरचा लिव्ह-इन पार्टनर आफताब बंबल अॅप व्यतिरिक्त टिंडरसह विविध अॅप्सद्वारे अनेक मुलींच्या संपर्कात होता आणि श्रद्धाच्या हत्येनंतरही त्याने मुलीला अनेक वेळा खोलीत आणले होते. यामुळेच दिल्ली पोलिसांनी बंबल आणि टिंडर अॅपला पत्र लिहून आफताबच्या अकाऊंटचा तपशील मागवला असून आरोपी कोणत्या मुलींच्या संपर्कात होता.
हेही वाचा – Tamannaah Bhatia Marriage : तमन्ना भाटिया होणार मुंबईची सून? कोण आहे तो बिझनेसमन?
Attempts are being made to claim that Aftab Amin, who chopped up Shraddha into 35 pieces, was a Parsi. No he was not. He was a Muslim.
Read. https://t.co/uWLcLBbwXJ
— Nupur J Sharma (@UnSubtleDesi) November 15, 2022
२० पेक्षा जास्त गर्लफ्रेंड
आफताब पूनावाला लिव्ह-इन पार्टनरसोबत राहत असताना त्याच्या २० पेक्षा जास्त गर्लफ्रेंड होत्या. ‘बंबल डेटिंग अॅप’च्या माध्यमातून त्याने या मुलींशी मैत्री केली होती, त्यापैकी बहुतेक त्याच्या घरीही आले होते आणि अनेकांशी त्याचे जवळचे संबंध बनले होते. हे सर्व आफताबने श्रद्धासोबत रिलेशनशिपमध्ये असताना केले. आफताब पूनावालाने दिल्ली पोलिसांच्या चौकशीदरम्यान हा खुलासा केला आहे. पोलिसांनी ‘बंबल’ या डेटिंग अॅपला पत्र लिहून आरोपीच्या सर्व मैत्रिणींची माहिती मागवली आहे. या सर्वांना चौकशीसाठी बोलावले जाऊ शकते.
दिल्ली पोलीस श्रद्धा हत्याकांडातील न सुटलेले प्रश्न सोडवण्यात गुंतले आहेत. श्रद्धाच्या मृतदेहाच्या शोधासाठी सलग चौथ्या दिवशी दिल्ली पोलिसांची शोध मोहीम सुरू आहे. आफताबने ज्या जंगलात मृतदेहाचे तुकडे फेकले होते तेथे पोलिसांचे पथक पुन्हा एकदा पोहोचले आहे. कोणत्याही परिस्थितीत श्रद्धाचा मोबाईल शोधणे हे दिल्ली पोलिसांचे प्राधान्य आहे, त्यामुळे एकीकडे पोलीस आफताबला न्यायालयात हजर करणार आहेत तर दुसरीकडे पुरावे शोधले जात आहेत. दिल्ली पोलिसांच्या विशेष कर्मचार्‍यांची अनेक पथके श्रद्धाचा फोन आणि हत्येसाठी वापरलेले शस्त्र शोधण्यात गुंतले आहेत. एवढेच नाही तर दिल्ली पोलिसांच्या क्राइम ब्रँचचे पथक अनधिकृतपणे श्रद्धाचा फोन आणि हत्येसाठी वापरलेले हत्यार शोधत आहेत.