Telangana : तेलंगणातील निजामाबाद जिल्ह्यातील एका सुपरमार्केटमध्ये रेफ्रिजरेटर उघडण्याच्या प्रयत्नात एका 4 वर्षीय मुलीचा मृत्यू (Girl Died While Opening The Fridge) झाला आहे. ही मुलगी फ्रीजमध्ये ज्यूस शोधण्यासाठी गेली असता विजेचा शॉक लागल्याने तिचा मृत्यू झाल्याचे सांगण्यात येत आहे. मुलगी तिच्या आई-वडिलांसोबत सुपरमार्केटमध्ये गेली होती, असे सांगण्यात येत आहे. ही चिमुरडी ज्यूसच्या शोधात रेफ्रिजरेटरकडे गेली आणि जेव्हा तिने दरवाजा उघडण्याचा प्रयत्न केला तेव्हा तिला विजेचा धक्का बसला. यानंतर मुलीला तात्काळ रुग्णालयात दाखल केले असता डॉक्टरांनी तिला मृत घोषित केले.
पोलीस काय म्हणाले? (Telangana News)
मीडिया रिपोर्ट्सनुसार, एका पोलीस अधिकाऱ्याने सांगितले की, शेजारी असलेल्या मुलीच्या वडिलांनी तिला ताबडतोब जवळच्या रुग्णालयात नेले, जिथे तिला मृत घोषित करण्यात आले. या घटनेचा एक कथित व्हिडिओ सोशल मीडियावर व्हायरल झाला आणि काही स्थानिक टीव्ही चॅनेलद्वारे प्रसारित केला गेला, ज्यामध्ये चिमुरडी रेफ्रिजरेटरकडे जात आहे आणि दरवाजा उघडण्याचा प्रयत्न करत आहे.
हेही वाचा – VIDEO : “ना आरोग्यमंत्री काम करत, ना सरकारी डॉक्टर…”, संजय राऊतांनी सुनावलं!
प्राथमिक तपासाच्या आधारे, पोलिस अधिकाऱ्याने सांगितले की, विद्युत समस्या असल्याचे दिसते आणि मुलीने रेफ्रिजरेटरच्या दरवाजाला स्पर्श करताच तिला विजेचा धक्का बसला आणि तिचा मृत्यू झाला. या घटनेसंदर्भात गुन्हा दाखल करण्यात आल्याचे अधिकाऱ्याने सांगितले. या घटनेच्या निषेधार्थ सुपर मार्केटजवळ आंदोलन करण्यात आले.
‘वाचा मराठी’चे व्हॉट्सॲप चॅनेल येथे फॉलो करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!