प्रसिद्ध क्रिकेटपटू सचिन तेंडुलकरने आणखी एका कंपनीत गुंतवणूक (Sachin Tendulkar Investment) केली आहे. यासोबतच कंपनीने बाजारात IPO आणण्याची तयारी सुरू केली आहे. या IPO बाबत गुंतवणूकदारांमध्ये आधीच उत्साह आहे. या IPO ला बाजारात प्रचंड प्रतिसाद मिळेल अशी अपेक्षा आहे. सचिनने गुंतवणूक केलेली कंपनी आझाद इंजिनिअरिंगचा (Azad Engineering) IPO गेल्या आठवड्यात आला होता आणि त्याची लिस्टिंग 28 डिसेंबरला होणार आहे.
आई आणि मुलांच्या काळजीसाठी उत्पादने बनवणाऱ्या FirstCry या कंपनीने IPO ची तयारी सुरू केली आहे. त्याच्या ई-कॉमर्स प्लॅटफॉर्मचा IPO पुढील वर्षीच्या सुरुवातीला येईल. अलीकडेच सॉफ्टबँक व्हिजन फंडाने या कंपनीतील आपला हिस्सा कमी केला होता. सॉफ्टबँक फर्स्ट क्रायचा सर्वात मोठा भागधारक होता. त्यामुळे सचिनसह अनेकांना त्याचे स्टेक विकत घेण्याची संधी मिळाली.
इकॉनॉमिक टाइम्सच्या रिपोर्टनुसार, सचिन व्यतिरिक्त मान्यवरचे रवी मोदी, इन्फोसिसचे क्रिस गोपालकृष्णन आणि टीव्हीएस ग्रुप फॅमिली यांनी फर्स्ट क्रायमध्ये इक्विटी शेअर्स खरेदी केले आहेत. कंपनीत सॉफ्ट बँकेचा हिस्सा आता 25 टक्क्यांपेक्षा कमी आहे. हिस्सेदारी विकून, आयपीओपूर्वीच सुमारे 600 कोटी रुपये मिळाले आहेत. काही वर्षांपूर्वीपर्यंत त्याचा वाटा 30 टक्के होता.
ऑगस्टमध्ये मणिपाल ग्रुपचे रंजन पै, मेरिकोचे हर्ष मेरिवाला आणि डीएसपीचे हेमेंद्र कोठारी यांनी फर्स्ट क्रायमध्ये स्टेक विकत घेतला होता. सॉफ्ट बँकेने 2020 मध्ये कंपनीमध्ये सुमारे 40 मिलियन गुंतवणूक केली होती.
हेही वाचा – जगातील सर्वात झपाटलेलं गाव, मृतदेह ओरडतात, गिनीज बुकमध्ये नोंद!
रिपोर्टनुसार फर्स्ट क्रायचा आयपीओ लोकसभा निवडणुकीनंतर येऊ शकतो. निवडणुकीच्या निकालानंतर बाजारात तेजी येईल अशी कंपनीची अपेक्षा आहे. कंपनीचे बाजारमूल्य 3 अब्ज डॉलर्स होते आणि IPO मध्ये त्याचे मूल्य 4 अब्ज डॉलर्स इतके अनुमानित केले जाऊ शकते. याद्वारे कंपनीला बाजारातून सुमारे 50 कोटी डॉलर्स उभे करायचे आहेत. कंपनी 29 डिसेंबरला IPO पेपर दाखल करू शकते. विप्रोचे अझीम प्रेमजी आणि महिंद्रा समूहही या कंपनीत गुंतवणूक करू शकतात, अशी अपेक्षा आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!