Reliance AGM 2023 : रिलायन्स इंडस्ट्रीजच्या 46व्या एजीएममध्ये (AGM) रिलायन्स इंडस्ट्रीज लिमिटेडचे अध्यक्ष आणि व्यवस्थापकीय संचालक मुकेश अंबानी यांनी अनेक महत्त्वाच्या घोषणा केल्या. ईशा अंबानी, आकाश अंबानी आणि अनंत अंबानी यांचा रिलायन्सच्या संचालक मंडळात समावेश करण्यात आला आहे. रिलायन्स इंडस्ट्रीजने शेअर बाजाराला दिलेल्या माहितीत म्हटले आहे की, कंपनीच्या संचालक मंडळाची बैठक वार्षिक सर्वसाधारण सभेपूर्वी (AGM) झाली. त्यात ईशा, आकाश आणि अनंत यांची बिगर कार्यकारी संचालक म्हणून नियुक्ती करण्यास मान्यता देण्यात आली.
मुकेश अंबानी यांनी सांगितले की, गणेश चतुर्थीच्या शुभ मुहूर्तावर Jio Airfiber लाँच केले जाईल. कंपनीने गेल्या 10 वर्षांत एकूण $150 अब्जची गुंतवणूक केली आहे. या कालावधीतील कोणत्याही कंपनीची ही सर्वाधिक गुंतवणूक आहे. रिलायन्स उदयोन्मुख न्यू इंडियामध्ये अग्रेसर आहे. आम्ही अशक्य ध्येये ठेवली आणि ती साध्य केली.
हेही वाचा – Indian Railways : ट्रेनचे तिकीट हरवले, फाटले, तर काय करायचे? जाणून घ्या ही माहिती!
रिलायन्सने वर्षभरात आमच्या सर्व व्यवसायांमध्ये 2.6 लाख नोकऱ्या देऊन भारतीयांसाठी रोजगार निर्मितीचा नवा विक्रम केला आहे. आमच्या ऑन-रोल कर्मचाऱ्यांची संख्या सुमारे 3.9 लाख आहे. आपण निर्माण केलेल्या अप्रत्यक्ष रोजगार संधींची संख्या अनेक पटींनी आहे, असेही अंबानी म्हणाले.
रिलायन्स जिओचे अध्यक्ष आकाश अंबानी म्हणाले, “भारतातील 80% पेक्षा जास्त डेटाचा वापर घरामध्ये होतो. जिओ स्मार्ट होम सर्व्हिसेस सादर करताना मला आनंद होत आहे, जी आमच्या घरांमध्ये इंटरनेट वापरण्याचा आणि व्यवस्थापित करण्याचा अनुभव पुन्हा परिभाषित करण्यासाठी सज्ज आहे.”
‘वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!