PNB Scheme : पंजाब नॅशनल बँक (PNB) फिक्स्ड डिपॉझिट (FD) करणाऱ्यांना उत्तम ऑफर देत आहे. अलीकडेच बँकेने सर्वात जास्त व्याजदर योजना आणली आहे. नवीन वर्षातही या सरकारी बँकेने बचत खाते आणि मुदत ठेवींवरील (FD) व्याजदरात वाढ केली होती. PNB आपल्या मुदत ठेव योजनांपैकी एक मनोरंजक मार्गाने सतत प्रोत्साहन देत आहे आणि गुंतवणुकीवर आठ टक्क्यांहून अधिक वार्षिक परतावा देत आहे. PNB च्या या मुदत ठेव योजनेचे नाव ‘666 Days FD’ आहे.
पीएनबीची ट्वीट करून माहिती
पीएनबीने ट्वीट करून लिहिले, ”सर्वोत्तम गुंतवणुकीची तुमची प्रतीक्षा संपली आहे. ६६६ दिवसांच्या FD प्लॅनसह आकर्षक व्याजदर मिळवा. तुम्ही पीएनबी वन अॅप, इंटरनेट बँकिंगद्वारे या योजनेत गुंतवणुकीसाठी अर्ज करू शकता. अधिक माहितीसाठी, तुम्ही जवळच्या शाखेला भेट देऊ शकता.
हेही वाचा – गजब ऑफर..! फक्त ५९९ रुपयांमध्ये खरेदी करा ५०००mAh वाला स्मार्टफोन; वाचा!
किती व्याज मिळत आहे?
पंजाब नॅशनल बँक (PNB) ६६६ दिवसांच्या मुदत ठेव योजनेवर ८.१० टक्के दराने व्याज देत आहे. पीएनबीने नाताळच्या काळात ही योजना सुरू केली. त्यानंतर नवीन वर्षात बँकेने त्यात गुंतवणूक करण्याची संधी दिली. आता बँक पुन्हा एकदा ग्राहकांना या योजनेत गुंतवणूक करण्याची संधी देत आहे. पीएनबी सामान्य लोकांना ६६६ दिवसांच्या मुदत ठेवीवर ७.२५ टक्के दराने वार्षिक परतावा देत आहे. पीएनबी ज्येष्ठ नागरिकांना FD वर अतिरिक्त ०.५० टक्के व्याज देते. पण ट्वीट करून, बँक सध्या ६६६ दिवसांच्या मुदत ठेव योजनेवर ८.१० टक्के व्याजदर देण्याचे आश्वासन देत आहे. या संदर्भात अधिक माहितीसाठी तुम्ही शाखेशी संपर्क साधू शकता.
Your wait for the best investment is over.
Get attractive rate of interest with 666 Days FD Scheme.
For more info visit: https://t.co/p7cuHn37VD#FixedDeposit #Savings #BestROI #Investment #DigitalBanking pic.twitter.com/Zn1cTA8YzT
— Punjab National Bank (@pnbindia) January 7, 2023
१० वर्षांच्या FD वर व्याज
यापूर्वी बँकेने ६०० दिवसांची FD योजना सुरू केली होती. बँक ६०० दिवसांसाठी विशेष मुदत ठेवींवर ७.८५ टक्के दराने व्याज देत होती. पंजाब नॅशनल बँक सध्या ७ दिवस ते १० वर्षांच्या मुदत ठेवींवर सामान्य लोकांना ३.५० टक्के ते ६.१० टक्के दराने व्याज देत आहे. त्याच वेळी, ज्येष्ठ नागरिकांसाठी याच कालावधीतील मुदत ठेवींवरील व्याज दर ४ टक्के ते ६.९० टक्के आणि अत्यंत ज्येष्ठ नागरिकांसाठी ४.३० ते ६.९० टक्के आहे.