PIB Fact Check : आजच्या काळात माहितीसोबतच सोशल मीडिया हे खोटे दावे आणि आश्वासनांचेही एक मोठे ठिकाण बनले आहे. सोशल मीडियावर वेगवेगळे दावे केले जातात, त्यामुळे लोकांमध्ये संभ्रम निर्माण होतो. अशा प्रकारे, एक व्हायरल पत्र असा दावा करत आहे की केंद्र सरकारने नुकत्याच सादर केलेल्या अर्थसंकल्पात आरोग्यसेवेवर ५% कर प्रस्तावित केला आहे. जाणून घेऊया या व्हायरल दाव्याचे सत्य काय आहे…
PIB ने उघड केला खोटा दावा
खरं तर, PIB ने बनावट पत्राचा पर्दाफाश केला आणि लिहिले, ‘एका ट्वीटमध्ये दावा करण्यात आला आहे की केंद्र सरकारने अलीकडील बजेटमध्ये आरोग्य सेवेवर ५% कर प्रस्तावित केला आहे. ट्विटसोबत जोडलेले पत्र २०११ सालचे आहे आणि ते संदर्भाबाहेर शेअर केले जात आहे. पीआयबीने हा दावा पूर्णपणे फेटाळला असून हा दावा खोटा असल्याचे म्हटले आहे. केंद्र सरकारने अशी कोणतीही घोषणा केलेली नाही.
A tweet claims that the central government has proposed a 5% tax on healthcare in the recent #Budget.#PIBFactCheck
▪️ This claim is #Fake.
▪️ The letter attached with the tweet is from year 2011 and is being shared out of context. pic.twitter.com/uojvkR788H
— PIB Fact Check (@PIBFactCheck) February 26, 2023
खोट्या ट्वीटबद्दल तृणमूल काँग्रेसच्या खासदाराची माफी
वास्तविक, हे ट्वीट अन्य कोणी नसून तृणमूल काँग्रेसचे खासदार आणि माजी नोकरशहा जवाहर सरकार यांनी केले आहे. जेव्हा PIB ने खोटा दावा उघड केला तेव्हा जवाहर सरकारने विलंब न लावता आपली चूक मान्य केली आणि अशी बनावट माहिती सामायिक केल्याबद्दल खेद व्यक्त केला.
हेही वाचा – टायरवर लिहिलेल्या नंबर्सचा अर्थ जाणून घ्या..! पैसेही वाचतील आणि सुरक्षितही राहाल
आपली चूक मान्य करून, तृणमूल काँग्रेसच्या खासदाराने ट्वीट केले, “पीआयबीला हे ट्वीट बनावट असल्याचे घोषित करण्यात खूप आनंद होत आहे, हे उल्लेख न करता, हा वर्षांपूर्वी केलेला जुना युक्तिवाद आहे, आता संबंधित नाही. एका अत्यंत आदरणीय ज्येष्ठ निवृत्त आयएएस अधिकाऱ्यासह अनेक कार्यकर्त्यांनी मला हे पाठवले होते. पण हे वर्तमान पत्र नसल्यामुळे मला माफ करा.”
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!