Petrol Diesel Price Today : गेल्या २४ तासांत जागतिक बाजारात कच्च्या तेलाच्या किमती नरमल्या आहेत, मात्र दरम्यान, शुक्रवारी सकाळी सरकारी तेल कंपन्यांनी जारी केलेल्या पेट्रोल आणि डिझेलच्या किरकोळ किमतींमध्ये बदल झाला आहे. आज अनेक शहरांमध्ये तेलाच्या किमती वाढल्या आहेत, तर काही ठिकाणी त्या खाली आल्या आहेत. मात्र, दिल्ली-मुंबईसारख्या देशातील चार महानगरांमध्ये आजही पेट्रोल आणि डिझेलच्या किरकोळ दरात कोणताही बदल झालेला नाही.
सरकारी तेल कंपन्यांच्या म्हणण्यानुसार, आज सकाळी यूपीच्या गौतम बुद्ध नगर जिल्ह्यात (नोएडा-ग्रेटर नोएडा) पेट्रोलची किंमत २३ पैशांनी घसरून ९६.७७ रुपये प्रति लिटर झाली, तर डिझेल २० पैशांनी स्वस्त होऊन ८९.९४ रुपये प्रति लिटरने विकले जात आहे. लखनऊमध्ये पेट्रोल १० पैशांनी वाढून ९६.५७ रुपये, तर डिझेल १० पैशांनी वाढून ८९.७६ रुपये प्रति लिटरवर पोहोचले आहे. हरयाणाची राजधानी गुरुग्राममध्ये पेट्रोल ३३ पैशांनी महागले आहे आणि ते ९७.१० रुपये प्रति लिटरवर पोहोचले आहे, तर डिझेल ३१ पैशांनी वाढून ८९.९६ रुपये प्रति लिटरवर पोहोचले आहे.
कच्च्या तेलाबद्दल बोलायचे झाले तर गेल्या २४ तासांत त्याच्या किमतीत थोडीशी घसरण झाली आहे. ब्रेंट क्रूडची किंमत जवळपास एक डॉलर घसरली आणि प्रति बॅरल $ ८४.६१ वर स्थिर राहिली. WTI दर देखील घसरला आहे आणि प्रति बॅरल $ ७८.०१वर चालू आहे.
चारही महानगरांमध्ये पेट्रोल आणि डिझेलचे दर
- दिल्लीत पेट्रोल ९६.६५ रुपये आणि डिझेल ८९.८२ रुपये प्रति लिटर
- मुंबईत पेट्रोल १०६.३१ रुपये आणि डिझेल ९४.२७ रुपये प्रति लिटर
- चेन्नईमध्ये पेट्रोल १०२.६३ रुपये आणि डिझेल ९४.२४ रुपये प्रति लिटर
- कोलकातामध्ये पेट्रोल १०६.०३ रुपये आणि डिझेल ९२.७६ रुपये प्रति लिटर
हेही वाचा – भारतात येणार ‘या’ ३ CNG कार..! मायलेजही असणार दमदार; किंमत असेल फक्त…
या शहरांमध्ये दर बदलले
- नोएडामध्ये पेट्रोल ९७.०० रुपये आणि डिझेल ९०.१४ रुपये प्रति लिटर
- लखनऊमध्ये पेट्रोल ९६.४७ रुपये आणि डिझेल ८९.६६ रुपये प्रतिलिटर
- गाझियाबादमध्ये पेट्रोल ९६.५८ रुपये आणि डिझेल ८९.७५ रुपये प्रति लिटर
दररोज सकाळी ६ वाजता जाहीर केले जातात नवीन दर
दररोज सकाळी ६ वाजता पेट्रोल आणि डिझेलच्या दरात बदल होतो. नवे दर सकाळी ६ वाजल्यापासून लागू होणार आहेत. पेट्रोल आणि डिझेलच्या किमतीत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीपेक्षा जवळपास दुप्पट होते. त्यामुळेच पेट्रोल आणि डिझेलचे दर वाढलेले दिसत आहेत.
तुम्ही एसएमएसद्वारे पेट्रोल डिझेलचे दैनंदिन दर देखील जाणून घेऊ शकता (रोज डिझेल पेट्रोलची किंमत कशी तपासावी). इंडियन ऑइलचे ग्राहक RSP आणि त्यांचा शहर कोड टाइप करून 9224992249 वर एसएमएस पाठवून माहिती मिळवू शकतात आणि BPCL ग्राहक RSP आणि त्यांचा शहर कोड 9223112222 टाइप करून माहिती मिळवू शकतात. तर, HPCL ग्राहक HPPprice आणि त्यांचा शहर कोड 9222201122 वर पाठवून किंमत जाणून घेऊ शकतात.