Electric Scooter : ओकिनावा ऑटोटेक (Okinawa Autotech)ही भारतीय इलेक्ट्रिक टू-व्हीलर मार्केटमधील सुरुवातीच्या खेळाडूंपैकी एक आहे. या कंपनीने स्थापनेपासून २५०,००० इलेक्ट्रिक स्कूटरच्या उत्पादनासह एक नवीन मैलाचा दगड गाठला आहे. कंपनीचे २५०,००० वे युनिट हे ओकिनावा प्रेझ प्रो हे राजस्थानमधील कंपनीच्या उत्पादन प्रकल्पातील होते. ही कामगिरी करणारी ओकिनावा ही देशातील पहिली आणि एकमेव घरगुती ईव्ही कंपनी ठरली आहे. २०२५ पर्यंत १० लाख युनिट्सचा टप्पा गाठण्याचे लक्ष्य आहे.
ओकिनावा ऑटोटेकने २०१५ मध्ये प्रथम ऑपरेशन सुरू केले. यानंतर ८ वर्षांनंतर कंपनीने २.५ लाख उत्पादनाचा टप्पा गाठला आहे. निर्मात्याने २०१७ मध्ये रिज इलेक्ट्रिक स्कूटरसह बाजारात प्रवेश केला. त्यानंतर, कंपनीने खासगी आणि व्यावसायिक खरेदीदारांना लक्ष्य करून आपल्या ताफ्याचा विस्तार केला. ओकिनावा म्हणते की कंपनीकडे देशभरात ५४० पेक्षा जास्त ३S (विक्री, सेवा आणि भाग) टचपॉइंट्स आहेत, जे EV विभागातील सर्वात मोठे आहे.
Another first in our incredible journey – we have become the 1st EV company in India to surpass 250,000 sales mark. We would like to thank each and everyone of you for your trust and support in helping us achieve this feat.#OkinawaAutotech #TheResponsibleChoice #250KUnits pic.twitter.com/wGDBz85CKx
— Okinawa Autotech (@OkinawaAutotech) March 14, 2023
हेही वाचा – BSNL चा तगडा रिचार्ज प्लॅन..! ५ महिन्यांसाठी सर्व फ्री; Vodafone, Airtel ला फुटेल घाम
ओकिनावा ऑटोटेकचे एमडी आणि संस्थापक जितेंद्र शर्मा म्हणाले, “२.५ लाख मैलाचा दगड आमच्या मजबूत उत्पादनांच्या पोर्टफोलिओच्या गुणवत्तेचा परिणाम आहे. या विभागातील सर्वोत्कृष्ट दर्जाची उत्पादने आणि प्रगत तंत्रज्ञानासह भारतात इलेक्ट्रिक मोबिलिटीचा जलद अवलंब करण्यावर आमचा भर आहे. भारतात लवकरच नवीन उत्पादनांची एक मजबूत पाइपलाइन सुरू होणार असून, २०२५ पर्यंत दहा लाख मैलाचा दगड गाठण्याचे आमचे ध्येय आहे.”
२५ मिलियन युरो गुंतवणूकीची योजना
ओकिनावा असा दावाही करतो की रस्त्यावरील त्यांच्या २.५ लाख वाहनांमुळे सुमारे ₹१२.५ अब्ज किमतीचे पेट्रोल वाचविण्यात मदत झाली आहे. तसेच ३००.३ दशलक्ष किलो कार्बन डाय ऑक्साईडची बचत केली (दररोज ३० किमीचा सरासरी प्रवास आणि ९० रुपये प्रति लिटर पेट्रोल). कंपनीने नुकतेच युरोपमधील नवीन R&D केंद्रासाठी Tacita सोबत सहयोग जाहीर केला आहे. इलेक्ट्रिक टू-व्हीलर बनवणारी कंपनी पुढील तीन वर्षांच्या कालावधीत २५ मिलियन युरोची गुंतवणूक करण्याची योजना आखत आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!