New Parliament Building Inauguration Date Schedule : सकाळी ७.३० वाजता सुरू होणार पूजा, जाणून घ्या नवीन संसद भवनाच्या उद्घाटनाचे संपूर्ण वेळापत्रक

New Parliament Building Inauguration Date Schedule : २८ मे रोजी पंतप्रधान नरेंद्र मोदी संसदेच्या नवीन इमारतीचे उद्घाटन करणार आहेत. पीएम मोदी दुपारी १२ वाजता संसदेचे उद्घाटन करणार आहेत, मात्र त्याआधी सकाळी ७ वाजल्यापासून हवन पूजनाचा कार्यक्रम सुरू होईल. सकाळी ७.३० ते ८.३० पर्यंत हवन व पूजा होईल. गांधी पुतळ्याजवळ पूजेसाठी मंडप उभारण्यात येणार आहे. उद्घाटन दिवसाचा संपूर्ण कार्यक्रम काय असेल ते जाणून घेऊया.

या पूजेला पंतप्रधान नरेंद्र मोदी आणि लोकसभा अध्यक्ष ओम बिर्ला, राज्यसभेचे उपसभापती यांच्यासह अनेक मंत्री उपस्थित राहणार आहेत. यानंतर सकाळी साडेआठ ते नऊ या वेळेत लोकसभेच्या आत सेंगोल लावले जाईल. सकाळी ९.३० वाजता प्रार्थना सभा होणार आहे, या प्रार्थना सभेत शंकराचार्यांसह अनेक महान विद्वान, पंडित, संत उपस्थित राहणार आहेत. याशिवाय आदि शिव आणि आदि शंकराचार्यांची पूजा करण्याचीही शक्यता आहे.

दुसरा टप्पा दुपारी १२ वाजल्यापासून सुरू होईल

सकाळी पूजा व हवन झाल्यानंतर दुपारी १२ वाजल्यापासून दुसऱ्या टप्प्यातील कार्यक्रमाला सुरुवात होईल. दुसऱ्या टप्प्यातील कार्यक्रमाची सुरुवात राष्ट्रगीताने होणार आहे. यावेळी दोन लघुपटांचे स्क्रीनिंगही करण्यात येणार आहे. यानंतर राज्यसभेचे उपसभापती उपराष्ट्रपती आणि राष्ट्रपतींचा संदेश वाचतील. राज्यसभेतील विरोधी पक्षनेते औकही यावेळी संबोधित करणार आहेत.

हेही वाचा – New Parliament Building : आपली ‘नवीन’ संसद आतून कशी दिसते? Video पाहून सांगा!

शेवटी पंतप्रधान मोदी संबोधित करतील

यावेळी ७५ रुपयांच्या नाण्याचे प्रकाशन करण्यात येणार आहे. शेवटी पंतप्रधान नरेंद्र मोदी संबोधित करतील आणि त्यासोबत ते नवीन संसद भवनाचे उद्घाटन करतील. दुपारी २ ते २.३० च्या सुमारास कार्यक्रम संपेल असे मानले जात आहे.

‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!