Reliance To Acquire Metro AGs India : देशातील सर्वात मौल्यवान कंपनी रिलायन्स इंडस्ट्रीज लिमिटेडचा व्यवसाय सातत्याने वाढत आहे. कंपनीचे अध्यक्ष आणि आशियातील दुसरे सर्वात श्रीमंत व्यक्ती मुकेश अंबानी एकापाठोपाठ एक मोठे सौदे करत आहेत. आता त्यांनी आणखी एक मोठी खरेदी केली आहे. मुकेश अंबानी यांनी जर्मन रिटेलर मेट्रो एजीचा भारतीय व्यवसाय विकत घेतला आहे. हा सौदा २,८४९ कोटी रुपयांना झाला आहे.
मुकेश अंबानींचे रिटेल क्षेत्रातील व्यवसाय वाढवण्याच्या दिशेने टाकलेले हे मोठे पाऊल आहे. ब्लूमबर्गच्या अहवालानुसार, रिलायन्स लवकरच मेट्रो एजीचा भारतीय व्यवसाय ताब्यात घेण्याची प्रक्रिया पूर्ण करेल. अहवालानुसार, रिलायन्स इंडस्ट्रीजची उपकंपनी असलेल्या रिलायन्स रिटेल व्हेंचर्स लिमिटेड (RRVL) ने एकूण ३४४ मिलियन डॉलर्स मध्ये मेट्रो कॅश आणि कॅरी इंडिया प्रायव्हेट लिमिटेड (मेट्रो इंडिया) मध्ये १०० टक्के इक्विटी स्टेक घेण्यासाठी करार केले आहेत.
हेही वाचा – मोठी बातमी..! रोहित हकालपट्टीच्या उंबरठ्यावर? ‘हा’ खेळाडू होणार भारताचा पुढचा कॅप्टन!
Reliance Retail
Acquires Metro AG’s Cash & Carry’s India Business for 2850 Cr
Metro India operates 31 Large Stores in India, 7700 Cr Revenue in FY22
Metro India sells to Kiranas & Other Small Biz
Reliance Says:
Acquisition will further strengthen physical store footprint pic.twitter.com/Y59AhWvnjY— Mangalam Maloo (@blitzkreigm) December 22, 2022
अलीकडेच, पीटीआयच्या अहवालात, उद्योगाशी संबंधित सूत्रांच्या हवाल्याने ही माहिती शेअर केली गेली आहे की या कराराबद्दल रिलायन्स आणि मेट्रो ग्रुपमध्ये चर्चा सुरू आहे. या करारामध्ये मेट्रो कॅश अँड कॅरीच्या मालकीची ३१ घाऊक वितरण केंद्रे, जमीन बँका आणि इतर मालमत्तांचा समावेश असल्याचे सांगण्यात आले. मात्र, त्यावेळी या डीलबाबत दोन्ही कंपन्यांकडून कोणतीही अधिकृत प्रतिक्रिया देण्यात आली नव्हती.
३४ देशांमध्ये मेट्रो एजी व्यवसाय
मेट्रो कॅश अँड कॅरीच्या ग्राहकांमध्ये किरकोळ विक्रेते आणि किराणा दुकाने, हॉटेल, रेस्टॉरंट आणि केटरर्स (HoReCa), कॉर्पोरेट, SME, कंपन्या आणि संस्था यांचा समावेश आहे. मेट्रो एजी ३४ देशांमध्ये आपला व्यवसाय करते आणि २००३ मध्ये भारतीय बाजारपेठेत प्रवेश केला. त्याची बंगळुरूमध्ये सहा, हैदराबादमध्ये चार, मुंबई आणि दिल्लीमध्ये प्रत्येकी दोन आणि कोलकाता, जयपूर, जालंधर, जिरकपूर, अमृतसर, अहमदाबाद, सुरत, इंदूर, लखनऊ, मेरठ, नाशिक, गाझियाबाद, तुमाकुरू, विजयवाडा, विशाखापट्टणम, गुंटूर आणि हुबळीत प्रत्येकी एक दुकान आहे.
रिलायन्स रिटेलच्या संचालिका ईशा अंबानी सांगतात की, हा करार आमच्या नवीन रणनीती अंतर्गत आहे. मेट्रो इंडिया भारतीय B2B बाजारपेठेतील एक अनुभवी खेळाडू आहे आणि तिने मजबूत ग्राहक अनुभव प्रदान करणारे एक ठोस मल्टी-चॅनेल प्लॅटफॉर्म स्थापित केले आहे. मेट्रो एजीचे सीईओ स्टीफन ग्रेबेल म्हणाले, ‘मेट्रो इंडियासह, आम्ही योग्य वेळी अतिशय गतिमान बाजारपेठेत वाढणारा आणि फायदेशीर घाऊक व्यवसाय विकत आहोत. आम्हाला विश्वास आहे की आम्हाला रिलायन्समध्ये एक योग्य भागीदार मिळाला आहे.