Mobile Recharge Plan : एअरटेल, वोडाफोन, जिओसारख्या दूरसंचार कंपन्या त्यांच्या ग्राहकांना आकर्षित करण्यासाठी वन-टू-वन रिचार्ज योजना घेऊन येतात, ज्यामध्ये त्यांना डेटा लाभांपासून ते मोफत अमर्यादित कॉलिंगपर्यंत अनेक वैशिष्ट्ये मिळतात. या योजना एक महिना ते सात वर्षांपर्यंत कोणत्याही कालावधीसाठी असू शकतात. परंतु बर्‍याच कंपन्यांच्या वार्षिक योजना फक्त रु. १८०० पेक्षा जास्त किमतीच्या आहेत. पण मार्केटमध्ये असा एक रिचार्ज प्लान आहे, ज्यामध्ये तुम्ही फक्त १४१ रुपयांचा रिचार्ज करून वर्षभराची वैधता मिळवू शकता. होय, या अप्रतिम रिचार्ज प्लॅनबद्दल जाणून घेऊया.
MTNL रिचार्ज प्लॅन
BSNL प्रमाणे, सरकारी दूरसंचार कंपनी MTNL आपल्या ग्राहकांसाठी १४१ रुपयांचा हा रिचार्ज प्लॅन ऑफर करते, ज्यामध्ये त्यांना वर्षभराची कॉलिंग वैधता मिळते. यासोबतच त्यांना तीन महिने अमर्यादित कॉलिंग आणि दररोज १GB डेटाचा लाभही मिळतो.
हेही वाचा – महाराष्ट्रातील शेतकऱ्यांसाठी आनंदाची बातमी..! राज्यात ‘ही’ योजना राबवणार; मुनगंटीवार यांची घोषणा
रिचार्जवर फायदे
MTNL च्या या १४१ च्या रिचार्ज प्लॅनवर तुम्हाला एक वर्षाची वैधता मिळेल. यामध्ये तुम्हाला ९० दिवसांसाठी दररोज १ जीबी डेटा मिळेल. याशिवाय, तुम्ही MTNL वरून MTNL (दिल्ली आणि मुंबई) वर पहिले ३ महिने मोफत कॉलिंग करू शकाल. परंतु MTNL वरून इतर नेटवर्कवर कॉल केल्यास तुम्हाला ९० दिवसांसाठी पहिली २०० मिनिटे मोफत कॉलिंग मिळेल.
यासाठी, तुमच्याकडून पुढील ९० दिवसांसाठी २५ पैसे प्रति मिनिट शुल्क आकारले जाईल आणि हा ९० दिवसांचा कालावधी संपल्यानंतर, तुमच्याकडून ०.०२ पैसे प्रति सेकंद शुल्क आकारले जाईल.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!