LPG Gas Cylinder Price : रक्षाबंधनापूर्वी मोदी सरकारने देशातील गरीब कुटुंबांना मोठी भेट दिली आहे. एलपीजी सिलिंडरच्या किमतीत सरकारने 200 रुपयांनी कपात केली आहे. उज्ज्वला योजनेच्या लाभार्थ्यांनाच या कपातीचा लाभ मिळणार आहे. ग्राहकांसाठी एलपीजी सिलिंडरच्या किमतीत कपात करण्याची सरकारची योजना आहे आणि त्याची अंमलबजावणी करण्यासाठी इंडियन ऑइल, एचपीसीएल आणि बीपीसीएल यांना सबसिडी दिली जाईल.
सर्वसामान्यांना दिलासा देण्यासाठी नवी दिल्लीत झालेल्या मंत्रिमंडळाच्या बैठकीत हा निर्णय घेण्यात आला. केंद्रीय मंत्री अनुराग ठाकूर यांनी मंत्रिमंडळाच्या बैठकीनंतर ही माहिती दिली. ते म्हणाले की, सर्वसामान्यांना दिलासा देत सरकारने एलपीजी सिलिंडर 200 रुपयांनी कमी केला आहे. त्याच वेळी, उज्ज्वला योजनेच्या लाभार्थ्यांसाठी, ही रक्कम प्रति सिलिंडर 400 रुपये असेल. यामध्ये 200 रुपये ही सरकारने केलेली कपात आहे आणि 200 रुपये अनुदानाच्या स्वरूपात दिलासा आहे.
हेही वाचा – Asia Cup 2023 : बिग ब्रेकिंग! पाकिस्तानविरुद्धच्या सामन्यातून भारताचा ‘दिग्गज’ खेळाडू बाहेर
सध्या घरगुती एलपीजी सिलिंडरची किंमत दिल्लीत 1053 रुपये, मुंबईत 1052.50 रुपये, चेन्नईमध्ये 1068.50 रुपये आणि कोलकात्यात 1079 रुपये आहे. जुलैमध्ये सर्व मार्केटिंग कंपन्यांनी घरगुती एलपीजी सिलिंडरच्या किमतीत 50 रुपयांनी वाढ केली होती. याआधी मे महिन्यात दोनदा दरात वाढ करण्यात आली होती.
‘वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!