Railway Diwali Bonus : मोदी मंत्रिमंडळाने रेल्वे कर्मचाऱ्यांना बोनस देण्याचा निर्णय घेतला आहे. कॅबिनेट बैठकीनंतर केंद्रीय मंत्री अनुराग ठाकूर यांनी पत्रकार परिषदेत सांगितले की, रेल्वे कर्मचाऱ्यांना ७८ दिवसांचा बोनस दिला जाईल. ११.२७ लाख रेल्वे कर्मचाऱ्यांना १८३२ कोटी रुपयांचा उत्पादकता लिंक्ड बोनस दिला जाईल. कमाल मर्यादा १७,९५१ रुपये असेल. यासोबतच तेल वितरण कंपन्यांना २२,००० कोटी रुपयांचे एकरकमी अनुदान देण्यात आले आहे.
गुजरातमध्ये कंटेनर टर्मिनल
पत्रकार परिषदेत कॅबिनेट मंत्री अनुराग ठाकूर म्हणाले की, गुजरातमधील कांडला येथे दीनदयाल बंदर प्राधिकरणाअंतर्गत कंटेनर टर्मिनल आणि बहुउद्देशीय कार्गो बर्थ बांधण्याचा निर्णय घेण्यात आला आहे. यासाठी सुमारे ६ हजार कोटी रुपये खर्च येणार आहे.
हेही वाचा – Facebook वर रातोरात घडली ‘धक्कादायक’ गोष्ट..! यूजर्सनी केली तक्रार
Early Diwali for nearly 11.27 lakh Railway employees.
Govt. approves payment of Productivity Linked Bonus equivalent to 78 days wages for 2021-22.
— Piyush Goyal Office (@PiyushGoyalOffc) October 12, 2022
मंत्रिमंडळाने आणखी कोणते निर्णय घेतले?
केंद्रीय मंत्र्यांनी माहिती दिली की पूर्वोत्तर राज्यांमध्ये पायाभूत सुविधा आणि इतर सामाजिक पायाभूत सुविधांच्या विकासासाठी PM – devINE योजना मंजूर करण्यात आली आहे. ही योजना चार वर्षांसाठी (२०२५-२६ पर्यंत) असेल. त्याच वेळी, त्यांनी असेही सांगितले की केंद्रीय मंत्रिमंडळाने बहु-राज्य सहकारी संस्था (सुधारणा) विधेयक, २०२२ मंजूर केले आहे, जे बहु-राज्य सहकारी संस्था अधिनियम, २००२ मध्ये सुधारणा करण्याचा प्रयत्न करते. यामध्ये ९७व्या घटनादुरुस्तीच्या तरतुदींचा समावेश असेल.